ਵੀਨਸ ਲੇਡੀਜ਼ ਕਲੱਬ ਨੇ ਮਨਾਇਆ " ਆਇਆ ਸਾਵਣ ਝੂਮ ਕੇ".
ਲੁਧਿਆਣਾ, 10 ਜੁਲਾਈ (ਵਾਸੂ )- ਦੁੱਗਰੀ ਫੇਜ਼-2 ਦੇ ਇੱਕ ਹੋਟਲ ਵਿਖੇ ਵੀਨਸ ਲੇਡੀਜ਼ ਕਲੱਬ ਵੱਲੋਂ "ਆਯਾ ਸਾਵਣ ਝੂਮ ਕੇ" ਈਵੈੰਟ ਬੜੇ ਉਤਸ਼ਾਹ ਅਤੇ ਧੂਮਧਾਮ ਨਾਲ ਮਨਾਈ ਗਈ। ਕਲੱਬ ਦੀਆਂ ਮੈਂਬਰਾਂ ਨੇ ਥੀਮ ਅਤੇ ਪ੍ਰੋਗਰਾਮ ਦੀ ਸ਼ਲਾਘਾ ਕੀਤੀ। ਕਲੱਬ ਦੇ ਪ੍ਰਧਾਨ ਧੀਰਾ ਮਹਿਰਾ ਅਤੇ ਮੀਤ ਪ੍ਰਧਾਨ ਪਵਨੀਤ ਪਾਹਵਾ ਨਾਲ "ਟਵਿਨਿੰਗ ਵਿਦ ਫਰੈਂਡਜ਼" ਥੀਮ ਦੀ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ। ਸ੍ਰੀਮਤੀ ਗੁਰਦੀਪ ਖਰੇ ਨੇ ਕਲੱਬ ਦੇ ਸਮੂਹ ਮੈਂਬਰਾਂ ਦਾ ਸਵਾਗਤ ਕੀਤਾ। ਕਲੱਬ ਦੇ ਮੈਂਬਰ ਸਮੂਹਿਕ ਰੂਪ ਵਿੱਚ ਗਰੁੱਪ ਬਣ ਕੇ ਸਟੇਜ 'ਤੇ ਆਏ ਅਤੇ ਸਾਵਣ ਦੇ ਗੀਤਾਂ 'ਤੇ ਪੇਸ਼ਕਾਰੀ ਦਿੱਤੀ। ਮਿਸ ਪੀਟੀਸੀ ਪੰਜਾਬੀ ਦੀ ਜੇਤੂ ਗੁਰਲੀਨ ਕੌਰ ਵਿਸ਼ੇਸ਼ ਮਹਿਮਾਨ ਵਜੋਂ ਪੁੱਜੇ ਅਤੇ ਸਮੂਹ ਕਲੱਬ ਮੈਂਬਰਾਂ ਨੂੰ ਗਿੱਧਾ ਪਾ ਕੇ ਨੱਚਣ ਲਈ ਮਜ਼ਬੂਰ ਕਰ ਦਿੱਤਾ। ਸਭ ਨੇ ਤਾੜੀਆਂ ਦੀ ਗੜਗੜਾਹਟ ਨਾਲ ਸਵਾਗਤ ਕੀਤਾ ਅਤੇ ਨਾਲ ਹੀ ਸਮੂਹ ਮੈਂਬਰਾਂ ਨੇ ਤੰਬੋਲਾ ਦਾ ਆਨੰਦ ਮਾਣਿਆ। ਵਿਸ਼ੇਸ਼ ਗੈਸਟ ਵਜੋਂ ਈਵੈੰਟ ਵਿੱਚ ਸ਼ਾਮਿਲ ਹੋਏ ਮੈਡਮ ਮਧੂ ਵਰਮਾ, ਚੈਰੀ ਖਰਬੰਦਾ, ਨੇਹਾ ਗੰਭੀਰ, ਨਿਧੀ ਰਾਣਾ ਦੁਆਰਾ ਸੋਲੋ ਪ੍ਰਦਰਸ਼ਨ, ਰੂਪਮ ਸ਼ਰਮਾ ਨੇ ਗੀਤ ਗਾਇਆ। ਸੀਨੀਅਰ ਮੈਂਬਰ ਜਸਪਾਲ ਮਖੀਜਾ, ਮਨਜੀਤ ਕੌਰ, ਸਰਬਜੀਤ ਬੇਦੀ ਅਤੇ ਅਮਨ ਨੇ "ਮੀਂਹ ਵਰਸੇ" 'ਤੇ ਡਾਂਸ ਕੀਤਾ। ਡਾਂਸਲਾਜੀ ਦੇ ਕਰਮਨ ਨੇ ਆਪਣੀ ਟੀਮ ਨਾਲ ਗਰੁੱਪ ਡਾਂਸ ਕੀਤਾ। ਸਮੁੱਚੀ ਟੀਮ ਨੇ ਇਸ ਸਮਾਗਮ ਲਈ ਇੱਕਜੁੱਟ ਕੋਸ਼ਿਸ਼ ਕੀਤੀ ਅਤੇ ਸਾਰੀ ਈਵੈਂਟ ਬੇਹੱਦ ਪ੍ਰਭਾਵਸ਼ਾਲੀ ਸੱਚਮੁੱਚ ਬਹੁਤ ਰਹੀ।