ਗੀਤਕਾਰ ਤੇ ਪੱਤਰਕਾਰ : ਜਸਕਰਨ ਭੁੱਲਰ.
*ਸਰਬਜੀਤ ਲੁਧਿਆਣਵੀਂ*
ਲੇਖਕ ਤੇ ਪੱਤਰਕਾਰ ਜਸਕਰਨ ਭੁੱਲਰ ਇਹਨਾਂ ਦੋ ਵਿਧਾਵਾਂ ਤੋੰ ਇਲਾਵਾ ਕੰਪਿਊਟਰ ਨੈਟਵਰਕਿੰਗ ਦੇ ਖੇਤਰ ਵਿਚ ਵੀ ਮੁਹਾਰਤ ਰਖਦਾ ਹੈ। 6 ਮਾਰਚ, 1987 ਨੂੰ ਹਰਿਆਣਾ ਦੇ ਸਿਰਸਾ ਜ਼ਿਲੇ 'ਚ ਪਿੰਡ ਰਾਣੀਆ ਵਿਖੇ ਸ. ਅਜੀਤ ਸਿੰਘ ਭੁੱਲਰ ਦੇ ਗ੍ਰਹਿ ਤੇ ਮਾਤਾ ਬਲਵਿੰਦਰ ਕੌਰ ਦੀ ਕੁੱਖੋੰ ਜਨਮੇਂ ਜਸਕਰਨ ਨੇ 2007 ਵਿਚ ਬੀ.ਏ. ਪਾਸ ਕਰਨ ਮਗਰੋਂ 2008 ਵਿਚ ਕੰਪਿਊਟਰ ਹਾਰਡਵਰਕਿੰਗ ਤੇ ਸਾਫ਼ਟਵਰਕਿੰਗ ਨੈਟਵਰਕਿੰਗ ਵਿਚ ਡਿਪਲੋਮਾ ਹਾਸਿਲ ਕੀਤਾ।
ਉਪਰੰਤ ਵੱਖ-ਵੱਖ ਕੰਪਿਊਟਰ ਜਾਬਜ਼ ਕਰਨ ਮਗਰੋਂ 2016 ਵਿਚ ਨਿਊਜ਼ ਵੈੱਬ ਚੈਨਲ 'ਲੁਧਿਆਣਾ ਲਾਈਵ' ਨਾਲ ਜੁੜੇ, 2018 ਵਿਚ ਰੋਜ਼ਾਨਾ ਪਹਿ੍ਰਦਾਰ ਅਤੇ 2018 ਤੋੰ 2019 ਤਕ 'ਖ਼ਬਰਾਂਵਾਲੇ' ਨਿਊਜ਼ ਪੋਰਟਲ ਨਾਲ ਕੰਮ ਕੀਤਾ। 2019 ਵਿਚ ਸਪਤਾਹਿਕ ਅਖਬਾਰ 'ਜ਼ਿਕਰ ਪੰਜਾਬ' ਵਿਚ ਬਤੌਰ ਸਬ ਐਡੀਟਰ ਕੰਮ ਕੀਤਾ ਅਤੇ ਨਵੰਬਰ 2020 ਤੋਂ ਵਰਤਮਾਨ ਤਕ ਲੀਡਿੰਗ ਨਿਊਜ਼ ਵੈਬ ਚੈਨਲ 'ਦਾ ਸਮਰ ਨਿਊਜ਼' ਵਿਚ ਸੇਵਾਵਾਂ ਦੇ ਰਹੇ ਹਨ।