ਗੇਂਦਬਾਜ਼ ਰਿਆਨ ਸਹਿਗਲ ਨੇ ਚਾਰ ਵਿਕਟਾਂ ਲੈ ਕੇ ਆਪਣੀ ਟੀਮ ਨੂੰ ਦਿਵਾਈ ਜਿੱਤ.
ਲੁਧਿਆਣਾ, 22 ਨਵੰਬਰ (ਕੁਨਾਲ ਜੇਤਲੀ) : ਪੰਜਾਬ ਰਾਜ ਅੰਤਰ ਜ਼ਿਲ੍ਹਾ ਅੰਡਰ-14 ਇੱਕ ਰੋਜ਼ਾ ਟੂਰਨਾਮੈਂਟ ਫ਼ਰੀਦਕੋਟ ਜ਼ਿਲ੍ਹਾ ਕ੍ਰਿਕਟ ਗਰਾਊਂਡ ਵਿਖੇ ਕਰਵਾਇਆ ਗਿਆ, ਜਿਸ ਵਿੱਚ ਫ਼ਰੀਦਕੋਟ ਅਤੇ ਲੁਧਿਆਣਾ ਦੀਆਂ ਅੰਡਰ-14 ਟੀਮਾਂ ਨੇ ਪੂਰੇ ਉਤਸ਼ਾਹ ਨਾਲ ਭਾਗ ਲਿਆ।
ਫਰੀਦਕੋਟ ਅੰਡਰ-14 ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਸ ਦਿਲਚਸਪ ਅਤੇ ਦੇਖਣ ਯੋਗ ਟੂਰਨਾਮੈਂਟ ਵਿੱਚ ਲੁਧਿਆਣਾ-14 ਨੂੰ ਜੇਤੂ ਟੀਮ ਐਲਾਨਿਆ ਗਿਆ। ਲੁਧਿਆਣਾ ਅੰਡਰ-14 ਨੇ ਫਰੀਦਕੋਟ ਅੰਡਰ-14 ਨੂੰ 8 ਵਿਕਟਾਂ ਨਾਲ ਹਰਾ ਕੇ ਟੂਰਨਾਮੈਂਟ ਜਿੱਤ ਲਿਆ।
ਲੁਧਿਆਣਾ ਦੀ ਅੰਡਰ-14 ਟੀਮ ਵਿੱਚ ਖਿਡਾਰੀ ਰੂਪਮ ਕਰ, ਰਿਆਨ ਸਹਿਗਲ, ਰਣਵੀਰ ਸਿੰਘ, ਆਰਵ ਅਗਰਵਾਲ, ਮਨਕਰਨਵੀਰ ਸਿੰਘ, ਵੰਸ਼ ਵੈਦ, ਜਿਤੇਸ਼ ਮਰਵਾਹਾ, ਜਸ਼ਨ ਵੀਰ ਸਿੰਘ, ਜਸਦੀਪ ਸਿੰਘ, ਹਿਰਦੇ ਕਟਾਰੀਆ ਅਤੇ ਹਰਕੀਰਤ ਸਿੰਘ ਸਮਰਾ ਸ਼ਾਮਲ ਸਨ। ਗੇਂਦਬਾਜ਼ ਰਿਆਨ ਸਹਿਗਲ ਨੇ ਚਾਰ ਵਿਕਟਾਂ ਲੈ ਕੇ ਆਪਣੀ ਟੀਮ ਦੀ ਜਿੱਤ ਵਿੱਚ ਅਹਿਮ ਭੂਮਿਕਾ ਨਿਭਾਈ।
ਫਰੀਦਕੋਟ ਅੰਡਰ-14 ਵਿੱਚ ਖਿਡਾਰੀ ਅਮਿਤੋਜ ਸਿੰਘ ਸੰਧੂ, ਗੁਰਪ੍ਰੀਤ ਸਿੰਘ ਸਿੱਧੂ, ਅਰਮਾਨਪ੍ਰੀਤ ਸਿੰਘ ਮੱਲ੍ਹੀ, ਸਰਤਾਜ ਸਿੰਘ, ਯੋਗਿਤ ਖਿਚੀ, ਖੁਸ਼ਪ੍ਰੀਤ ਸਿੰਘ, ਹਰਮਨਦੀਪ ਸਿੰਘ ਜਟਾਣਾ, ਗੁਰਵਿੰਦਰ ਸਿੰਘ, ਅਰੋਹਨ ਬੱਤਰਾ, ਬਿਕਰਮ ਜੀਤ ਸਿੰਘ ਅਤੇ ਕਾਰਤਿਕ ਗਰਗ ਸਨ।
ਲੁਧਿਆਣਾ ਅੰਡਰ-14 ਦੀ ਜਿੱਤ ਕਾਰਨ ਲੁਧਿਆਣਾ ਜ਼ਿਲ੍ਹਾ ਕ੍ਰਿਕਟ ਐਸੋਸੀਏਸ਼ਨ ਵਿੱਚ ਖੁਸ਼ੀ ਦੀ ਲਹਿਰ ਹੈ।