ਏਡਜ਼ ਕੰਟਰੋਲ ਇੰਪਲਾਈਜ ਵੈੱਲਫੇਅਰ ਅੈਸੋਸੀਏਸਨ (ਸਿਹਤ ਵਿਭਾਗ ) ਵੱਲੋ ਚੰਡੀਗੜ੍ਹ ਵਿਖੇ ਰੋਸ ਪ੍ਰਦਰਸ਼ਨ 20 ਦਸੰਬ

ਲੁਧਿਆਣਾ 18 ਦਸੰਬਰ (ਕੁਨਾਲ ਜੇਤਲੀ) - ਪੰਜਾਬ ਏਡਜ਼ ਕੰਟਰੋਲ ਇੰਪਲਾਈਜ ਵੈੱਲਫੇਅਰ ਅੈਸੋਸੀਏਸਨ (ਸਿਹਤ ਵਿਭਾਗ ) ਵੱਲੋਂ ਪੰਜਾਬ ਭਰ ਵਿੱਚ 20 ਦਸੰਬਰ ਨੂੰ  ਅੈਚ ਆਈ ਵੀ/ਏਡਜ਼ ਕਾਊੱਸਲਿੰਗ ਟੈਸਟਿੰਗ , ਏਡਜ਼ ਦੇ ਰੋਗੀਆਂ ਦੀ ਦਵਾਈਆਂ ,ਨਸੇ ਦੇ ਮਰੀਜਾਂ ਨੂੰ ਦਵਾਈਆਂ ਦੇਣ ਦਾ ਕੰਮ ਕਾਜ ,ਗੁਪਤ ਰੋਗ ਦੇ ਮਰੀਜਾਂ ਨੂੰ ਦਵਾਈਆਂ ਦੇਣ ਅਤੇ ਬਲੱਡ ਬੈਂਕ ਦੇ ਕਰਮਚਾਰੀਆਂ ਵੱਲੋਂ ਅੈੱਚ ਆਈ ਵੀ ਏਡਜ਼ ਦੇ ਕੰਮ ਦਾ ਮੁਕੰਮਲ ਬਾਈਕਾਟ ਕਰਕੇ ਹੈਡਕੁਆਰਟਰ 38 ਬੀ ਪਰਿਆਸ ਬਿਲਡਿੰਗ ਚੰਡੀਗੜ੍ਹ ਵਿਖੇ ਜਬਰਦਸਤ ਰੋਸ ਪ੍ਰਦਰਸ਼ਨ ਕੀਤਾ ਜਾਵੇਗਾ l ਇਹ ਜਾਣਕਾਰੀ ਸੂਬਾ ਪ੍ਰਧਾਨ ਜਸਮੇਲ ਸਿੰਘ ਦਿਓਲ  ਜਨਰਲ ਸਕੱਤਰ ਗੁਰਜੰਟ ਸਿੰਘ ਅਤੇ ਪ੍ਰਮੁਖ ਸਲਾਹਕਾਰ ਅਤੇ ਸਾਬਕਾ ਪ੍ਰਧਾਨ ਮਹਿੰਦਰ ਪਾਲ ਸਿੰਘ ਨੇ ਜਾਰੀ ਪ੍ਰੈਸ ਨੋਟ ਵਿੱਚ ਦਿੱਤੀ l  ਪੰਜਾਬ ਭਰ ਦੇ ਕਰਮਚਾਰੀਆਂ ਵੱਲੋਂ ਪਿਛਲੇ ਲੰਬੇ ਸਮੇਂ ਤੋਂ ਆਪਣੀਆਂ ਜਾਇਜ ਹੱਕੀ ਮੰਗਾਂ ਲਈ ਕਈ ਵਾਰ ਸਰਕਾਰ ਅਤੇ ਵਿਭਾਗ ਨੂੰ ਬੇਨਤੀ ਕੀਤੀ ਗਈ ਪ੍ਰੰਤੂ  ਪਿਛਲੇ ਸਾਲ ਭਰ ਤੋਂ ਸਰਕਾਰ ਅਤੇ ਵਿਭਾਗ ਵੱਲੋਂ ਕਰਮਚਾਰੀਆਂ ਦੇ ਹਿੱਤ  ਵਿੱਚ ਸਹਿਮਤੀ ਬਣੇ ਮੁੱਦਿਆਂ ਉਪਰ ਵੀ ਕੋਈ ਫੈਸਲਾ ਨਹੀਂ ਲਿਆ ਗਿਆ l ਬਲਕਿ ਕਰਮਚਾਰੀ ਵਿਰੋਧੀ ਫੈਸਲਾ ਲੈ ਕੇ ਲੰਬੇ ਸਮੇਂ ਤੋਂ ਸਥਾਪਿਤ 21 ਕਾਊੰਸਲਿੰਗ ਅਤੇ ਟੈਸਟਿੰਗ ਸੈਂਟਰ ਬੰਦ ਕਰਨ ਦਾ ਫੁਰਮਾਨ ਜਾਰੀ ਕਰ ਦਿੱਤਾ l  ਮੁੱਢਲੀਆਂ ਸਹੂਲਤਾਂ ਤੋਂ ਵਾਂਝੇ ਕਰਮਚਾਰੀ ਨਿੱਤ ਵਿਭਾਹ ਦੀਆਂ ਧੱਕੇਸਾਹੀਆ਼ ਦਾ ਸਿਕਾਰ ਹੋ ਕੇ ਏ ਸੀ ਆਰ ਦੇ ਨਾਮ ਤੇ ਸੋਸਣ ਦਾ ਸਿਕਾਰ ਹੋ ਰਹੇ ਹਨ ਉਥੇ ਹੀ ਸਰਕਾਰ ਦੇ ਲਾਰਿਆਂ ਤੋਂ ਤੰਗ ਆ ਚੁੱਕੇ ਹਨ l  ਸਿਹਤ ਮੰਤਰੀ ਵੀ ਕਈ ਵਾਰ ਵਿਭਾਗ ਦੀ ਤਾਨਾਸਾਹੀ ਅਫਸਰਸਾਹੀ ਅੱਗੇ ਬੇਵੱਸ ਨਜਰ ਆਏ l ਕਰਮਚਾਰੀਆਂ ਵੱਲੋਂ ਟੈਸਟਿਂਗ ਘੱਟ ਹੋਣ ਲਈ ਵਿਭਾਗ ਵੱਲੋਂ ਭੇਜੀ ਜਾਂਦੀ ਟੈਸਟ ਕਿੱਟਾਂ ਦੀ ਘਾਟ ਬਾਰੇ ਲਿਖਣ ਤੇ ਉਹਨਾਂ ਨੂੰ ਧਮਕਾਉਣਾ ਅਤੇ ਮਾਨਸਿਕ ਤੌਰ ਤੇ ਤੰਗ ਕਰਨਾ ਆਮ ਗੱਲ ਹੈ l ਵਿਭਾਗ ਦੇ ਕਈ ਕਰਮਚਾਰੀ ਡਿਊਟੀ ਨਿਭਾਉਂਦਿਆਂ ਮੌਤ ਦੇ ਮੂੰਹ ਜਾ ਪਏ ਪ੍ਰੰਤੂ ਕਿਸੇ ਨੂੰ ਵੀ ਕੋਈ ਆਰਥਿਕ ਮੱਦਦ ਜਾਂ ਬੀਮਾ ਸਹੂਲਤ ਨਹੀਂ ਮਿਲੀ l ਰੈਗੂਲਰ ਪੋਰਟਲ ਵਿੱਚ ਅਪਲਾਈ ਕਰਨ ਦੀ ਸਮਾਂ ਸੀਮਾ ਵਿੱਚ ਵਾਧਾ ਕਰਨ ਦੀ ਮੰਗ ਜੋਕਿ ਟੀਚਿੰਗ ਵਿਭਾਗ ਨੂੰ ਦੋ ਵਾਰ ਮਿਲ ਚੁੱਕੀ ਹੈ ਨੂੰ ਵੀ ਅਣਗੌਲਿਆਂ ਕੀਤਾ ਜਾ ਰਿਹਾ ਹੈ l ਵੋਟਾਂ ਤੋਂ ਪਹਿਲਾਂ 20 % ਤਨਖਾਹ ਵਿੱਚ ਵਾਧਾ ਕਰਨ ਰੈਗੂਲਰ ਕਰਨ ਆਦਿ ਵਾਅਦਿਆਂ ਨਾਲ ਸੱਤਾ ਵਿੱਚ ਆਈ ਆਪ ਸਰਕਾਰ ਇਹਨਾਂ ਕਰਮਚਾਰੀਆਂ ਨਾਲ ਵਾਰ ਵਾਰ ਵਾਅਦੇ ਕਰਕੇ ਲਾਰੇ ਤੇ ਲਾਰੇ ਹੀ ਰਹੀ ਸੀ ਹੁਣ ਪਹਿਲਾਂ ਤੋਂ ਸਥਾਪਿਤ ਸੈਂਟਰ ਬੰਦ ਕਰਕੇ ਦੂਰ ਦੁਰਾਡੇ ਭੇਜਣ ਨਾਲ ਭਵਿੱਖ ਪ੍ਰਤੀ ਚਿੰਤਾ ਵਿੱਚ ਪਏ ਇਹਨਾਂ ਕਰਮਚਾਰੀਆਂ ਨੇ 20 ਦਸੰਬਰ ਨੂੰ ਚੰਡੀਗੜ੍ਹ ਵਿਖੇ ਜਬਰਦਸਤ ਪ੍ਰਦਰਸ਼ਨ ਕਰਨ ਦਾ ਫੈਸਲਾ ਕੀਤਾ ਹੈ ਅਤੇ ਜੇਕਰ ਮੰਗਾਂ ਪੂਰੀਆਂ ਨਾ ਹੋਈਆਂ ਤਾਂ ਲਗਾਤਾਰ ਧਰਨਾ ਜਾਰੀ ਰੱਖਿਆ ਜਾਵੇਗਾ ਜਿਸਦੀ ਜਿੰਮੇਵਾਰੀ ਸਰਕਾਰ ਅਤੇ ਵਿਭਾਗ ਦੀ ਹੋਵੇਗੀ l