ਸ਼ਾਹੀ ਇਮਾਮ ਮੌਲਾਨਾ ਉਸਮਾਨ ਨੇ ਪੱਵਿਤਰ ਰਮਜਾਨ ਸ਼ਰੀਫ ਦੀ ਸਮੇਂ ਸਾਰਣੀ ਕੀਤੀ ਜਾਰੀ.
ਲੁਧਿਆਣਾ ਦੇ ਨਾਲ - ਨਾਲ ਪੂਰੇ ਪੰਜਾਬ ਦਾ ਸਮਾਂ ਦਿੱਤਾ ਗਿਆ
ਲੁਧਿਆਣਾ, 10 ਮਾਰਚ (ਇੰਦਰਜੀਤ) : ਅੱਜ ਇੱਥੇ ਪੰਜਾਬ ਦੇ ਦੀਨੀ ਮਰਕਜ ਜਾਮਾ ਮਸਜਿਦ ਲੁਧਿਆਣਾ ਵੱਲੋਂ ਪੰਜਾਬ ਦੇ ਸ਼ਾਹੀ ਇਮਾਮ ਮੌਲਾਨਾ ਮੁਹੰਮਦ ਉਸਮਾਨ ਰਹਿਮਾਨੀ ਲੁਧਿਆਣਵੀ ਨੇ ਪੱਵਿਤਰ ਰਮਜਾਨ ਸ਼ਰੀਫ ਦੇ ਪੂਰੇ ਮਹੀਨੇ ਦੀ ਲੁਧਿਆਣਾ ਅਤੇ ਪੰਜਾਬ ਦੀ ਸਮੇਂ ਸਾਰਣੀ ਜਾਰੀ ਕੀਤੀ । ਇਸ ਵਾਰ ਸਾਰਣੀ ’ਚ ਲੁਧਿਆਣਾ ਦੇ ਨਾਲ - ਨਾਲ ਪੂਰੇ ਪੰਜਾਬ ਦਾ ਸਮਾਂ ਦਿੱਤਾ ਗਿਆ ਹੈ ਤਾਂਕਿ ਮੁਸਲਮਾਨ ਭਾਈਚਾਰੇ ਦੇ ਲੋਕਾਂ ਨੂੰ ਰਮਜਾਨ ਸ਼ਰੀਫ ਦੇ ਰੋਜੇ ਦੀ ਸੇਹਰੀ ਅਤੇ ਇਫਤਾਰ ਦਾ ਠੀਕ ਸਮਾਂ ਪਤਾ ਲੱਗ ਸਕੇ । ਉਨਾਂ ਨੇ ਕਿਹਾ ਕਿ ਰਮਜਾਨ ਸ਼ਰੀਫ ਦਾ ਪੱਵਿਤਰ ਮਹੀਨਾ ਹਰ ਮੁਸਲਮਾਨ ਲਈ ਰਹਿਮਤਾਂ ਦਾ ਮਹੀਨਾ ਹੈ ਅਤੇ ਸਾਨੂੰ ਇਸ ਮਹੀਨੇ ’ਚ ਜ਼ਿਆਦਾ ਤੋਂ ਜ਼ਿਆਦਾ ਅੱਲ੍ਹਾਹ ਦੀ ਇਬਾਦਤ ’ਚ ਸਮਾਂ ਗੁਜਰਨਾ ਚਾਹੀਦਾ ਹੈ। ਵਰਣਨਯੋਗ ਹੈ ਕਿ 1882 ਤੋਂ ਲਗਾਤਾਰ ਜਾਮਾ ਮਸਜਿਦ ਲੁਧਿਆਣਾ ਤੋਂ ਇਹ ਸਮੇਂ ਸਾਰਣੀ ਪ੍ਰਕਾਸ਼ਿਤ ਕੀਤੀ ਜਾ ਰਹੀ ਹੈ । ਇਸ ਮੌਕੇ ਕਾਰੀ ਮੋਹਤਰਮ ਅਤੇ ਮੁਹੰਮਦ ਮੁਸਤਕੀਮ ਅਹਿਰਾਰੀ ਵਿਸ਼ੇਸ਼ ਤੌਰ ’ਤੇ ਮੌਜੂਦ ਸਨ ।