ਲੁਧਿਆਣਾ ਤੋਂ ਫਲੀਸਤੀਨ ਭੇਜੀ ਗਈ ਸਹਾਇਤਾ.
ਲੁਧਿਆਣਾ, 11 ਅਪ੍ਰੈਲ (ਇੰਦ੍ਰਜੀਤ) : ਫਲੀਸਤੀਨ 'ਚ ਮਨੁੱਖੀ ਅਤੇ ਖਾਣ-ਪੀਣ ਦੇ ਸੰਕਟ ਨੂੰ ਦੇਖਦੇ ਹੋਏ ਜਿੱਥੇ ਦੁਨਿਆ ਭਰ ਤੋਂ ਉਹਨਾਂ ਨੂੰ ਰਾਹਤ ਦਾ ਸਾਮਾਨ ਪਹੁੰਚਾਇਆ ਜਾ ਰਿਹਾ ਹੈ ਉੱਥੇ ਹੀ ਲੁਧਿਆਣਾ ਦੀ ਇਤਿਹਾਸਿਕ ਜਾਮਾ ਮਸਜਿਦ ਵੱਲੋਂ ਇਸ ਹਫਤੇ ਸ਼ਹਿਰ ਦੇ ਮੁਸਲਮਾਨ ਭਾਈਚਾਰੇ ਨੇ ਨਕਦ ਰਕਮ ਫਲੀਸਤੀਨ ਭਿਜਵਾਈ ਹੈ।
ਇਹ ਰਕਮ ਸ਼ਾਹੀ ਇਮਾਮ ਪੰਜਾਬ ਵੱਲੋਂ ਜਨਾਬ ਮੁਸਤਕੀਮ ਅਹਿਰਾਰ ਨੇ ਆਪਣੇ ਸਾਥੀਆਂ ਸਮੇਤ ਨਵੀਂ ਦਿੱਲੀ ਚਾਣਕਿਆਪੁਰੀ ਵਿਖੇ ਫਲੀਸਤੀਨੀ ਦੂਤਾਵਾਸ 'ਚ ਫਲੀਸਤੀਨੀ ਅਫਸਰ ਜਨਾਬ ਮਰਵਾਨ ਮੰਸੀ ਦੇ ਸਪੁਰਦ ਕੀਤੀ। ਇਸ ਮੌਕੇ 'ਤੇ ਫਲੀਸਤੀਨੀ ਅਧਿਕਾਰੀ ਨੇ ਦੱਸਿਆ ਕਿ ਬੀਤੇ ਦਿਨੀ ਭਾਰਤ ਸਰਕਾਰ ਵੱਲੋਂ ਵੀ ਉੱਥੇ ਰਾਹਤ ਸਮੱਗਰੀ ਭਿਜਵਾਈ ਗਈ ਹੈ ਜਿਸਦੇ ਲਈ ਉਹ ਭਾਰਤ ਸਰਕਾਰ ਅਤੇ ਭਾਰਤ ਦੇ ਲੋਕਾਂ ਦੇ ਪ੍ਰਤੀ ਸ਼ੁਕਰਗੁਜ਼ਾਰ ਹਨ।