ਲੁਧਿਆਣਾ, 9 ਮਈ (ਕੁਨਾਲ ਜੇਤਲੀ) - ਬੀ.ਸੀ.ਐਮ. ਸਕੂਲ ਚੰਡੀਗੜ੍ਹ ਰੋਡ ਵਿਖੇ ਵੇਦ ਪ੍ਰਚਾਰ ਮੰਡਲ ਲੁਧਿਆਣਾ ਵੱਲੋਂ ਪਿ੍ੰਸੀਪਲ ਡੀ.ਪੀ. ਗੁਲੇਰੀਆ ਅਤੇ ਮੰਡਲ ਦੇ ਸੂਬਾਈ ਜਨਰਲ ਸਕੱਤਰ ਰੋਸ਼ਨ ਲਾਲ ਆਰੀਆ ਦੀ ਅਗਵਾਈ ਹੇਠ ਅੰਤਰ-ਸਕੂਲ ਵੈਦਿਕ ਗਾਇਨ ਮੁਕਾਬਲਾ ਕਰਵਾਇਆ ਗਿਆ। ਸਮਾਗਮ ਦੀ ਪ੍ਰਧਾਨਗੀ ਡਾ: ਸੁਕਸ਼ਮ ਵਾਲੀਆ, ਪ੍ਰਿੰਸੀਪਲ ਆਰੀਆ ਕਾਲਜ ਨੇ ਕੀਤੀ |  ਸ਼੍ਰੀਮਤੀ ਰੀਆ ਮਿੱਤਲ ਸ਼ਰਮਨ ਜੈਨ ਸਵੀਟਸ ਅਤੇ ਸਕੂਲ ਦੇ ਮੈਨੇਜਰ ਪ੍ਰੇਮ ਕੁਮਾਰ ਨੇ ਸ਼ਮ੍ਹਾਂ ਰੌਸ਼ਨ ਕਰਕੇ ਸਮਾਗਮ ਦੀ ਸ਼ੁਰੂਆਤ ਕੀਤੀ।  ਮੀਨਾਕਸ਼ੀ ਮੁੰਜਾਲ ਨੇ ਡਰਾਅ ਦਾ ਸੰਚਾਲਨ ਕੀਤਾ ਅਤੇ ਪ੍ਰਦੀਪ ਅਰੋੜਾ, ਅਤੁਲ ਧਵਨ, ਅਰੁਣ ਸੂਦ ਨੇ ਪ੍ਰਤੀਯੋਗੀਆਂ ਨੂੰ ਬੈਜ ਵੰਡੇ। ਗੋਲਡੀ ਗੰਭੀਰ, ਕਮਲੇਸ਼ ਗੁਪਤਾ, ਨਮਿਤਾ ਰਾਜ ਸਿੰਘ ਨੇ ਮਹਿਮਾਨਾਂ ਵਜੋਂ ਸ਼ਿਰਕਤ ਕੀਤੀ। ਇਸ ਮੁਕਾਬਲੇ ਵਿੱਚ ਲੁਧਿਆਣਾ ਦੇ 14 ਸਕੂਲਾਂ ਦੇ 27 ਵਿਦਿਆਰਥੀਆਂ ਨੇ ਪੇਸ਼ਕਾਰੀ ਕੀਤੀ।  ਪ੍ਰਤੀਯੋਗੀਆਂ ਨੇ ਵੈਦਿਕ ਸੱਭਿਆਚਾਰ ਨਾਲ ਸਬੰਧਤ ਗੀਤ ਪੇਸ਼ ਕੀਤੇ।  ਅਮਨਦੀਪ ਕੌਰ, ਰੀਮਾ ਸ਼ਰਮਾ, ਲਖਵਿੰਦਰ ਕੌਰ ਨੇ ਜੱਜਾਂ ਦੀ ਭੂਮਿਕਾ ਨਿਭਾਈ।

ਸਮਾਗਮ ਦੇ ਮੁੱਖ ਮਹਿਮਾਨ ਮਦਨ ਬੱਸੀ, ਸੂਰਜ ਉਦਯੋਗ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਨੌਜਵਾਨਾਂ ਨੂੰ ਨੈਤਿਕ ਸਿੱਖਿਆ ਦੇਣਾ ਸਮੇਂ ਦੀ ਲੋੜ ਹੈ।  ਗੀਤਾਂ ਰਾਹੀਂ ਵੈਦਿਕ ਸੱਭਿਆਚਾਰ ਦੇ ਪ੍ਰਚਾਰ-ਪ੍ਰਸਾਰ ਲਈ ਕੀਤੇ ਜਾ ਰਹੇ ਉਪਰਾਲੇ ਸ਼ਲਾਘਾਯੋਗ ਹਨ।  ਇਸ ਲਈ ਪ੍ਰਬੰਧਕ ਵਧਾਈ ਦੇ ਹੱਕਦਾਰ ਹਨ।  ਪ੍ਰਿੰਸੀਪਲ ਸੁਕਸ਼ਮ ਵਾਲੀਆ ਨੇ ਕਿਹਾ ਕਿ ਸੰਗੀਤ ਪ੍ਰਮਾਤਮਾ ਨਾਲ ਜੁੜਨ ਦਾ ਇੱਕ ਸ਼ਕਤੀਸ਼ਾਲੀ ਮਾਧਿਅਮ ਹੈ, ਅਜਿਹੇ ਮੁਕਾਬਲਿਆਂ ਰਾਹੀਂ ਨੌਜਵਾਨਾਂ ਵਿੱਚ ਨੈਤਿਕ ਕਦਰਾਂ-ਕੀਮਤਾਂ ਨੂੰ ਪ੍ਰਫੁੱਲਤ ਕੀਤਾ ਜਾਵੇਗਾ। ਮਦਨ ਬੱਸੀ, ਸੁਕਸ਼ਮ ਵਾਲੀਆ ਨੇ ਜੇਤੂਆਂ ਨੂੰ ਇਨਾਮ ਦੇ ਕੇ ਰੋਸ਼ਨ ਲਾਲ ਆਰੀਆ ਨੂੰ ਸਨਮਾਨਿਤ ਕੀਤਾ।

ਨਤੀਜਾ: ਜੂਨੀਅਰ ਵਰਗ: ਪਹਿਲਾ ਸਥਾਨ: ਯੁਵਰਾਜ ਵਰਮਾ (ਡੀ.ਏ.ਵੀ. ਪਬਲਿਕ ਸਕੂਲ ਭਾਈ ਰਣਧੀਰ ਸਿੰਘ ਨਗਰ), ਦੂਸਰਾ ਸਥਾਨ: ਸਿਮਰ, (ਬੀ.ਸੀ.ਐਮ. ਸਕੂਲ ਬਸੰਤ ਸਿਟੀ), ਯੇਤੀ (ਪੁਲਿਸ ਡੀ.ਏ.ਵੀ. ਸਕੂਲ), ਤੀਸਰਾ ਸਥਾਨ: ਦਰਸ਼ਨਲੀਨ ਕੌਰ (ਬੀ.ਸੀ.ਐਮ. ਸਕੂਲ ਲਲਤੋਂ), ਮਿਸ਼ੀਕਾ (ਬੀ.ਸੀ.ਐਮ., ਆਰੀਆ ਮਾਡਲ ਸਕੂਲ) ਸੀਨੀਅਰ ਵਰਗ: ਪਹਿਲਾ ਇਨਾਮ: ਅਗਮ ਜੈਨ (ਬੀ.ਸੀ.ਐਮ. ਸਕੂਲ ਸੈਕਟਰ 32) ਦੂਜਾ ਇਨਾਮ: ਰਾਹਤ ਨੇ ਜਿੱਤਿਆ।