ਲੁਧਿਆਣਾ (ਰਾਕੇਸ਼ ਅਰੋੜਾ): ਬਸੰਤ ਐਵੇਨਿਊ ਦੁਗਰੀ ਵਿੱਖੇ ਯੂਨੀਅਨ ਸੁਪਰਸਪੈਸ਼ਲਿਟੀ ਹਸਪਤਾਲ ਨੇ ਇੱਕ ਪੂਰੀ ਤਰ੍ਹਾਂ ਕੱਟੇ ਹੋਏ ਹੱਥ ਦੇ ਸਫਲ ਪੁਨਰ-ਇੰਪਲਾਂਟੇਸ਼ਨ ਨਾਲ ਡਾਕਟਰੀ ਪੇਸ਼ੇ ਵਿੱਚ ਇੱਕ ਵੱਡੀ ਪ੍ਰਾਪਤੀ ਦਾ ਮਾਣ ਹਾਸਲ ਕੀਤਾ ਹੈ, ਮੈਡੀਕਲ ਖੇਤਰ ਵਿੱਚ ਗੁੰਝਲਦਾਰ ਅਤੇ ਪੁਨਰ ਨਿਰਮਾਣ ਸਰਜਰੀ ਵਿੱਚ ਇੱਕ ਮਹੱਤਵਪੂਰਨ ਕਦਮ ਹੈ। ਇਹ ਇੱਕ ਚੁਣੌਤੀਪੂਰਨ ਕੇਸ, ਸਰਜੀਕਲ ਪਹੁੰਚ ਅਤੇ ਬਹੁ-ਅਨੁਸ਼ਾਸਨੀ ਟੀਮ ਵਰਕ ਦਾ ਨਤੀਜਾ ਸੀ ਜਿਸਨੇ ਇਸ ਮਰੀਜ਼ ਦੇ  ਜੀਵਨ ਨੂੰ ਮੁੜ ਵਾਪਸ ਲੀਹ ਤੇ ਲੈ ਕੇ ਨੂੰ ਸੰਭਵ ਬਣਾਇਆ।

ਇਹ ਸਰਜਰੀ ਡਾਕਟਰ ਅਭਿਨਵ ਸਚਦੇਵਾ, ਕੰਸਲਟੈਂਟ ਪਲਾਸਟਿਕ ਅਤੇ ਰੀਕਨਸਟ੍ਰਕਟਿਵ ਸਰਜਨ, ਅਤੇ ਹਸਪਤਾਲ ਦੀ ਆਈਸੀਯੂ ਅਤੇ ਟਰਾਮਾ ਟੀਮ, ਡਾ. ਕ੍ਰਿਸ਼ਨ ਜੈਨ, ਕ੍ਰਿਟੀਕਲ ਕੇਅਰ ਸਪੈਸ਼ਲਿਸਟ ਦੀ ਨਿਗਰਾਨੀ ਹੇਠ ਕੀਤੀ ਗਈ। ਮਰੀਜ਼, ਜਿਸਦਾ ਇੱਕ ਉਦਯੋਗਿਕ ਹਾਦਸੇ ਵਿੱਚ ਹੱਥ ਕੱਟਣ ਦਾ ਦਰਦਨਾਕ ਹਾਦਸਾ ਹੋਇਆ ਸੀ, ਉਸ ਦਾ ਐਮਰਜੈਂਸੀ ਮਾਈਕ੍ਰੋਵੈਸਕੁਲਰ ਰੀਪਲਾਂਟੇਸ਼ਨ ਹੋਇਆ ਅਤੇ ਹੁਣ ਉਹ ਠੀਕ ਹੋਣ ਦੇ ਰਾਹ 'ਤੇ ਹੈ ਅਤੇ ਮੁੜ ਆਪਣੀ ਰੋਜ਼ਾਨਾ ਜਿੰਦਗੀ ਦੇ ਕੰਮ ਕਾਜ ਵੱਲ ਵੱਧ ਰਿਹਾ ਹੈ।  ਇਹ ਮਾਮਲਾ ਐਮਰਜੈਂਸੀ ਟਰੌਮਾ ਕੇਅਰ, ਮਾਈਕ੍ਰੋਸਰਜਰੀ, ਅਤੇ ਕ੍ਰਿਟੀਕਲ ਕੇਅਰ ਪ੍ਰਬੰਧਨ ਲਈ ਉੱਤਮਤਾ ਕੇਂਦਰ ਵਜੋਂ  ਯੂਨੀਅਨ ਸੁਪਰਸਪੈਸ਼ਲਿਟੀ ਹਸਪਤਾਲ  ਦੀ ਵਧਦੀ ਸਾਖ ਨੂੰ ਦਰਸਾਉਂਦਾ ਹੈ।