ਲੁਧਿਆਣਾ: 27 ਅਗਸਤ (ਵਾਸੂ ਜੇਤਲੀ) - ਵੇਦ ਪ੍ਰਚਾਰ ਲਈ ਸਮਰਪਿਤ ਸਿਰਮੌਰ ਸੰਸਥਾ ਵੇਦ ਪ੍ਰਚਾਰ ਮੰਡਲ ਲੁਧਿਆਣਾ ਨੇ ਬੀਸੀਐਮ ਆਰੀਆ ਮਾਡਲ ਸੀ.ਐਸ. ਸਕੂਲ, ਸ਼ਾਸਤਰੀ ਨਗਰ, ਲੁਧਿਆਣਾ ਵਿਖੇ ਸਵ: ਸ਼ਸ਼ੀ ਆਹੂਜਾ ਧਰਮਪਤਨੀ ਸ੍ਰੀ ਰਜਨੀਸ਼ ਆਹੂਜਾ ਮੈਮੋਰੀਅਲ ਇੰਟਰ-ਸਕੂਲ ਵੈਦਿਕ ਸਮੂਹ ਗੀਤ ਮੁਕਾਬਲਾ ਆਯੋਜਿਤ ਕੀਤਾ।                      ਆਰੀਆ ਸਮਾਜ ਮਾਡਲ ਟਾਊਨ ਅਤੇ ਸਾਰੀਆਂ ਸਬੰਧਤ ਵਿਦਿਅਕ ਸੰਸਥਾਵਾਂ ਦੇ ਮੁਖੀ ਸ਼੍ਰੀ ਰਾਕੇਸ਼ ਜੈਨ ਦੀ ਅਗਵਾਈ ਹੇਠ ਅਤੇ ਮੰਡਲ ਦੇ ਸੂਬਾਈ ਜਨਰਲ ਸਕੱਤਰ ਰੋਸ਼ਨ ਲਾਲ ਆਰੀਆ ਜੀ ਦੀ ਮੌਜੂਦਗੀ ਵਿੱਚ ਆਯੋਜਿਤ ਕੀਤਾ। ਸਮਾਗਮ ਦੀ ਪ੍ਰਧਾਨਗੀ ਪ੍ਰੋ. (ਡਾ.) ਗੁਰਸ਼ਰਨ ਜੀਤ ਸਿੰਘ ਸੰਧੂ, ਪ੍ਰਿੰਸੀਪਲ, ਐਸ.ਸੀ.ਡੀ. ਸਰਕਾਰੀ ਕਾਲਜ, ਲੁਧਿਆਣਾ ਨੇ ਕੀਤੀ। ਸਮਾਗਮ ਦਾ ਉਦਘਾਟਨ ਸਕੂਲ ਦੇ ਆਨਰੇਰੀ ਸਕੱਤਰ ਕੈਪਟਨ ਵਿਜੇ ਸਿਆਲ, ਸੀਏ ਅਮਰਜੀਤ ਕੰਬੋਜ, ਡਾ. ਰਿਤੇਸ਼ ਸੂਦ ਐਸੋਸੀਏਟ ਪ੍ਰੋਫੈਸਰ ਨੇ ਦੀਪ ਜਗਾ ਕੇ ਕੀਤਾ। ਡਾ. ਸ਼ਾਲੂ ਗੁਪਤਾ, ਸ਼੍ਰੀਮਤੀ ਰੇਖਾ ਬਾਂਸਲ, ਸ਼੍ਰੀ ਸੁਰਿੰਦਰ ਭੱਲਾ ਅਤੇ ਸ਼੍ਰੀਮਤੀ ਨੀਲਮ ਭੱਲਾ ਨੇ ਡਰਾਅ ਕੱਢ ਕੇ ਅਤੇ ਭਾਗੀਦਾਰਾਂ ਨੂੰ ਬੈਜ ਦੇ ਕੇ ਮੁਕਾਬਲੇ ਦੀ ਸ਼ੁਰੂਆਤ ਕੀਤੀ। ਸਮਾਗਮ ਦੇ ਮੁੱਖ ਮਹਿਮਾਨ ਡਾ. ਵਿਨੀਤ ਕੁਮਾਰ, ਸੰਯੁਕਤ ਕਮਿਸ਼ਨਰ, ਨਗਰ ਨਿਗਮ, ਲੁਧਿਆਣਾ, ਵਿਸ਼ੇਸ਼ ਮਹਿਮਾਨ ਪ੍ਰਿੰਸ ਜੌਹਰ, ਡਿਪਟੀ ਮੇਅਰ ਨਗਰ ਨਿਗਮ, ਲੁਧਿਆਣਾ ਅਤੇ ਹੋਰ ਮਹਿਮਾਨਾਂ ਦਾ ਸਵਾਗਤ ਡਾ. ਅਨੁਜਾ ਕੌਸ਼ਲ, ਅਰੁਣ ਭਾਰਦਵਾਜ, ਬੌਬੀ ਮਲਹੋਤਰਾ, ਕੇ.ਕੇ. ਮਲਹੋਤਰਾ, ਨਮਿਤਾ ਰਾਜ ਸਿੰਘ, ਸਤੀਸ਼ ਗੁਪਤਾ, ਭੁਵਨੇਸ਼ ਗੋਇਲ ਅਤੇ ਮੰਡਲ ਦੇ ਹੋਰ ਅਹੁਦੇਦਾਰਾਂ ਨੇ ਕੀਤਾ। ਪ੍ਰਵੀਨ ਸਿਆਲ, ਸੁਧੀਰ ਸਿਆਲ, ਦੀਪਕ ਮਨਨ ਕੌਂਸਲਰ, ਕੁਲਬੀਰ ਸਿੰਘ, ਦੀਪਕ ਸ਼ਰਮਾ ਅਤੇ ਹੋਰ ਪਤਵੰਤਿਆਂ ਨੇ ਸਮਾਗਮ ਵਿੱਚ ਹਿੱਸਾ ਲਿਆ।

ਇਸ ਮੁਕਾਬਲੇ ਵਿੱਚ 15 ਸਕੂਲਾਂ ਦੇ 192 ਭਾਗੀਦਾਰਾਂ ਨੇ ਹਿੱਸਾ ਲਿਆ, ਉਨ੍ਹਾਂ ਨੇ ਵੈਦਿਕ ਸੱਭਿਆਚਾਰ ਨਾਲ ਸਬੰਧਤ ਵਿਸ਼ਿਆਂ ਦੇ ਨਾਲ-ਨਾਲ ਵੱਖ-ਵੱਖ ਮੌਜੂਦਾ ਸਮੱਸਿਆਵਾਂ 'ਤੇ ਆਪਣੇ ਸਮੂਹ ਗੀਤ ਪੇਸ਼ ਕੀਤੇ। ਪ੍ਰੋ. ਹਰਮਿੰਦਰ ਕੌਰ, ਪ੍ਰੋ. ਅੰਤਿਮਾ ਧੂਪਰ ਅਤੇ ਪ੍ਰੋ. ਅੰਬੁਜ ਮਾਲਾ ਨੇ ਜੱਜਾਂ ਦੀ ਭੂਮਿਕਾ ਨਿਭਾਈ।           ਪ੍ਰਿੰਸੀਪਲ ਡਾ. ਅਨੁਜਾ ਕੌਸ਼ਲ ਨੇ ਸਾਰਿਆਂ ਦਾ ਸਵਾਗਤ ਕੀਤਾ ਅਤੇ ਕਿਹਾ ਕਿ ਨੌਜਵਾਨਾਂ ਵਿੱਚ ਕਦਰਾਂ-ਕੀਮਤਾਂ ਪੈਦਾ ਕਰਨ ਲਈ ਅਜਿਹੇ ਪ੍ਰੋਗਰਾਮ ਵੱਧ ਤੋਂ ਵੱਧ ਵਾਰ ਆਯੋਜਿਤ ਕੀਤੇ ਜਾਣੇ ਚਾਹੀਦੇ ਹਨ।

ਸਮਾਗਮ ਦੇ ਪ੍ਰਧਾਨ ਡਾ. ਗੁਰਸ਼ਰਨ ਜੀਤ ਸਿੰਘ ਸੰਧੂ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਅੱਜ ਦੇ ਸਮੇਂ ਵਿੱਚ ਨੌਜਵਾਨਾਂ ਤੱਕ ਵੇਦਾਂ ਦਾ ਸੰਦੇਸ਼ ਪਹੁੰਚਾਉਣਾ ਇੱਕ ਸ਼ਲਾਘਾਯੋਗ ਕੰਮ ਹੈ ਅਤੇ ਪ੍ਰਬੰਧਕ ਇਸ ਲਈ ਵਧਾਈ ਦੇ ਪਾਤਰ ਹਨ। ਰੋਸ਼ਨ ਲਾਲ ਆਰੀਆ ਅਤੇ ਪ੍ਰਿੰਸੀਪਲ ਡਾ. ਅਨੁਜਾ ਕੌਸ਼ਲ ਨੇ ਮੁੱਖ ਮਹਿਮਾਨ ਅਤੇ ਹੋਰ ਮਹਿਮਾਨਾਂ ਨੂੰ ਸਤਿਆਰਥ ਪ੍ਰਕਾਸ਼ ਭੇਟ ਕਰਕੇ ਸਨਮਾਨਿਤ ਕੀਤਾ। ਮੁੱਖ ਮਹਿਮਾਨ ਡਾ. ਵਿਨੀਤ ਕੁਮਾਰ, ਡਿਪਟੀ ਮੇਅਰ ਪ੍ਰਿੰਸ ਜੌਹਰ ਨੇ ਜੇਤੂਆਂ ਨੂੰ ਇਨਾਮ ਅਤੇ ਸਰਟੀਫਿਕੇਟ ਭੇਟ ਕੀਤੇ। ਰਜਨੀਸ਼ ਆਹੂਜਾ ਪਰਿਵਾਰ ਵੱਲੋਂ ਸ੍ਰੀ ਰਜਨੀਸ਼ ਆਹੂਜਾ, ਰਾਹੁਲ ਆਹੂਜਾ ਅਤੇ ਸੋਨਿਕਾ ਆਹੂਜਾ ਨੇ ਜੇਤੂ ਟੀਮ ਨੂੰ ਰਨਿੰਗ ਟਰਾਫੀ  ਭੇਟ ਕੀਤਾ।                ਮੁਕਾਬਲੇ ਦੇ ਨਤੀਜੇ ਇਸ ਪ੍ਰਕਾਰ ਰਹੇ: ਪਹਿਲਾ ਇਨਾਮ ਅਤੇ ਚਲੰਤ ਟਰਾਫੀ : ਬੀ.ਸੀ.ਐਮ. ਆਰੀਆ ਮਾਡਲ ਸੀ.ਐਸ. ਸਕੂਲ, ਸ਼ਾਸਤਰੀ ਨਗਰ ਲੁਧਿਆਣਾ

ਦੂਜਾ ਇਨਾਮ: ਡੀ.ਏ.ਵੀ. ਪਬਲਿਕ ਸਕੂਲ ਪੱਖੋਵਾਲ ਰੋਡ ਅਤੇ ਪੁਲਿਸ ਡੀ.ਏ.ਵੀ. ਪਬਲਿਕ ਸਕੂਲ, ਸਿਵਲ ਲਾਈਨਜ਼

ਤੀਜਾ ਇਨਾਮ: ਬੀ.ਸੀ.ਐਮ. ਸਕੂਲ ਬਸੰਤ ਐਵੇਨਿਊ ਅਤੇ ਪ੍ਰਤਾਪ ਪਬਲਿਕ ਸਕੂਲ ਹੰਬੜਾ ਰੋਡ।

ਪ੍ਰਸ਼ੰਸਾਯੋਗ ਇਨਾਮ: ਭਾਰਤੀ ਵਿਦਿਆ ਮੰਦਰ, ਕਿਚਲੂ ਨਗਰ ਲੁਧਿਆਣਾ,

ਬੀ.ਸੀ.ਐਮ. ਆਰੀਆ ਸਕੂਲ ਸਕੂਲ, ਲੁਧਿਆਣਾ,

ਆਰ.ਐਸ. ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਅਤੇ

ਬੀ.ਸੀ.ਐਮ. ਸੀਨੀਅਰ ਸੈਕੰਡਰੀ ਸਕੂਲ, ਚੰਡੀਗੜ੍ਹ ਰੋਡ, ਲੁਧਿਆਣਾ।

ਪ੍ਰੋਗਰਾਮ ਸ਼ਾਂਤੀ ਪਾਠ ਅਤੇ ਰਿਸ਼ੀ ਲੰਗਰ ਨਾਲ ਸਮਾਪਤ ਹੋਇਆ।