ਲਾਇੰਜ਼ ਕਲੱਬ ਇੰਟਰਨੈਸ਼ਨਲ ਨੇ ਆਯੋਜਿਤ ਕੀਤਾ ਪ੍ਰੇਰਣਾਦਾਇਕ ਕਵੇਸਟ ਸਿਖਿਆ ਪ੍ਰੋਗਰਾਮ

ਲੁਧਿਆਣਾ, 20 ਸਤੰਬਰ (ਤਮੰਨਾ ਬੇਦੀ) - ਲਾਇੰਜ਼ ਕਲੱਬ ਇੰਟਰਨੈਸ਼ਨਲ, ਜ਼ਿਲ੍ਹਾ 321-ਐਫ ਵੱਲੋਂ ਲਾਇੰਜ਼ ਕਲੱਬ ਲੁਧਿਆਣਾ ਵੈਜੀਟੇਰੀਅਨ ਦੇ ਸਹਿਯੋਗ ਨਾਲ ਲਾਇੰਜ਼ ਕਵੇਸਟ ਐਜੂਕੇਸ਼ਨਲ ਪ੍ਰੋਗਰਾਮ ਆਨ ਸੋਸ਼ਲ ਐਂਡ ਇਮੋਸ਼ਨਲ ਲਰਨਿੰਗ (ਐਸਈਐਲ) ਦਾ ਸਫਲ ਆਯੋਜਨ ਕੀਤਾ। ਇਸ ਮੌਕੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੇ ਉਤਸ਼ਾਹਪੂਰਣ ਭਾਗੀਦਾਰੀ ਕਰਕੇ ਸਾਬਤ ਕੀਤਾ ਕਿ ਸਿਧਾਂਤਾਂ ਤੇ ਅਧਾਰਿਤ ਸਿੱਖਿਆ ਦੀ ਅੱਜ ਦੇ ਸਮੇਂ ਵਿੱਚ ਕਿੰਨੀ ਵੱਡੀ ਲੋੜ ਹੈ। ਪ੍ਰੋਗਰਾਮ ਦਾ ਮੁੱਖ ਆਕਰਸ਼ਣ ਸੀ ਡਾ. ਪੱਲਵੀ ਪਾਵਰ (ਸੀਐਮਸੀ)  ਦਾ ਪ੍ਰੇਰਣਾਦਾਇਕ ਤੇ ਉਤਸ਼ਾਹਵਰਧਕ ਸੰਬੋਧਨ। ਜਿਸ ਵਿੱਚ ਉਨ੍ਹਾਂ ਨੇ ਐਸਈਐਲ ਦੀ ਭੂਮਿਕਾ ਬਾਰੇ ਚਰਚਾ ਕਰਦਿਆਂ ਇਸ ਨੂੰ ਆਤਮਵਿਸ਼ਵਾਸੀ, ਹਮਦਰਦੀਪੂਰਨ ਅਤੇ ਜ਼ਿੰਮੇਵਾਰ ਨਾਗਰਿਕ ਤਿਆਰ ਕਰਨ ਲਈ ਮਹੱਤਵਪੂਰਨ ਕਰਾਰ ਦਿੱਤਾ। ਵਿਦਿਆਰਥੀਆਂ ਨੇ ਪੇਂਟਿੰਗ ਮੁਕਾਬਲੇ ਅਤੇ ਐਸਈਐਲ ਜਾਗਰੂਕਤਾ ਰੈਲੀ ਰਾਹੀਂ ਭਾਵਨਾਤਮਕ ਸਸ਼ਕਤੀਕਰਨ ਅਤੇ ਸਮਾਜਿਕ ਮੁੱਲਾਂ ਬਾਰੇ ਮਹੱਤਵਪੂਰਨ ਸੁਨੇਹੇ ਦਿੱਤੇ। ਇਸ ਮੌਕੇ ਲਾਇਨ ਅਜੈ ਗੋਇਲ ਉਪ ਜਿਲਾ ਗਵਰਨਰ ਮੁੱਖ ਮਹਿਮਾਨ ਵਜੋਂ ਪਹੁੰਚੇ ਅਤੇ ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਦਇਆ ਨਾਲ ਸ਼੍ਰੇਸ਼ਠਤਾ ਹਾਸਲ ਕਰਨ ਲਈ ਪ੍ਰੇਰਿਤ ਕੀਤਾ। ਡਾ. ਵਿਲੀਅਮ ਭੱਟੀ, ਡਾਇਰੈਕਟਰ ਸੀਐਮਸੀ ਨੇ ਵੀ ਸ਼ਿਰਕਤ ਕਰਦਿਆਂ ਸੰਤੁਲਿਤ ਅਤੇ ਸਿਹਤਮੰਦ ਜੀਵਨ ਜੀਉਣ ਦੇ ਵਰਤੋਂਯੋਗ ਸਿਧਾਂਤ ਸਾਂਝੇ ਕੀਤੇ। ਡਾ. ਧਰਮ ਸਿੰਘ ਸੰਧੂ, ਪ੍ਰੋਗਰਾਮ ਡਾਇਰੈਕਟਰ ਅਤੇ ਕੋ-ਚੇਅਰਪਰਸਨ, ਲਾਇੰਜ਼ ਕਵੇਸਟ ਨੇ ਵਿਦਿਆਰਥੀਆਂ ਨੂੰ ਇਸ ਪਹਿਲ ਦੇ ਦੂਰਗਾਮੀ ਵਿਜ਼ਨ ਬਾਰੇ ਜਾਣੂ ਕਰਵਾਇਆ। ਪ੍ਰਿੰਸੀਪਲ ਜਸਵੀਰ ਚੌਹਾਨ ਨੇ ਵਿਸ਼ੇਸ਼ ਮਹਿਮਾਨਾਂ ਦਾ ਤਹਿ ਦਿਲੋਂ ਸਵਾਗਤ ਕੀਤਾ ਅਤੇ ਪ੍ਰੋਗਰਾਮ ਦੀਆਂ ਉਤਕ੍ਰਿਸ਼ਟ ਤਿਆਰੀਆਂ ਯਕੀਨੀ ਬਣਾਈਆਂ। ਪ੍ਰੋਗਰਾਮ ਦਾ ਸਮਾਪਨ ਇੱਕ ਪ੍ਰੇਰਣਾਦਾਇਕ ਸੁਨੇਹੇ ਨਾਲ ਹੋਇਆ। ਜਿਸ ਵਿੱਚ ਐਸਈਐਲ ਮੁੱਲਾਂ ਨੂੰ ਪ੍ਰਚਾਰਿਤ ਕਰਨ ਅਤੇ ਸਿੱਖਿਆ ਰਾਹੀਂ ਸਮਾਜ ਨੂੰ ਮਜ਼ਬੂਤ ਬਣਾਉਣ ਦੀ ਵਚਨਬੱਧਤਾ ਦੁਹਰਾਈ ਗਈ।
ਫੋਟੋ - ਲਾਇਨਜ਼ ਕਲੱਬ ਵੱਲੋਂ ਕਰਵਾਏ ਗਏ ਸਿੱਖਿਆ ਅਤੇ ਮੁੱਲਾਂ ਅਧਾਰਿਤ ਪ੍ਰੋਗਰਾਮ ਵਿੱਚ ਸ਼ਾਮਿਲ ਕਲੱਬ ਦੇ ਅਹੁਦੇਦਾਰ।