ਡਾਕਟਰ ਅਮਰ ਸਿੰਘ ਬੋਪਾ ਰਾਏ ਸਸਰਾਲੀ ਬੰਨ ਦਾ ਜਾਇਜ਼ਾ ਲੈਣ ਪਹੁੰਚੇ

 

ਲੋਕਾਂ ਦੀਆਂ ਸੁਣੀਆਂ ਮੁਸ਼ਕਿਲਾਂ

 
ਇਸ ਇਲਾਕੇ ਅੰਦਰ ਹੁਣ ਕਿਸੇ ਵੀ ਕੀਮਤ ਤੇ ਗੈਰ ਕਾਨੂੰਨੀ ਮਾਈਨਿੰਗ ਨਹੀਂ ਹੋਣ ਦਿਆਂਗੇ :ਵਿਕਰਮ ਬਾਜਵਾ

 
ਲੁਧਿਆਣਾ /ਸਾਹਨੇਵਾਲ 22 ਸਤੰਬਰ (ਰਵੀ ਭਾਟੀਆ) ਲੋਕ ਸਭਾ ਹਲਕਾ ਸ਼੍ਰੀ ਫਤਿਹਗੜ੍ਹ ਸਾਹਿਬ ਤੋਂ ਮੈਂਬਰ ਪਾਰਲੀਮੈਂਟ ਡਾਕਟਰ ਅਮਰ ਸਿੰਘ ਬੋਪਾ ਰਾਏ ਇੱਕ ਵਾਰ ਮੁੜ ਫੇਰ ਵਿਧਾਨ ਸਭਾ ਹਲਕਾ ਸਾਹਨੇਵਾਲ ਅਧੀਨ ਆਉਂਦੀ ਹੜ ਪ੍ਰਭਾਵਿਤ ਸਸਰਾਲੀ ਕਲੋਨੀ ਦੇ ਬੰਨ ਦਾ ਜਾਇਜ਼ਾ ਲੈਣ ਪਹੁੰਚੇ ਜਿੱਥੇ ਉਹਨਾਂ ਨੇ ਮੌਕੇ ਤੇ ਹੀ ਲੋਕਾਂ ਦੀਆਂ ਸਮੱਸਿਆਵਾਂ ਸੁਣੀਆਂ ਅਤੇ ਅਧਿਕਾਰੀਆਂ ਤੋਂ ਜਾਣਿਆ ਕਿ ਕਿਸ ਤਰ੍ਹਾਂ ਹਰ ਦਿਨ ਦਰਿਆ ਦੇ ਕਿਨਾਰੇ ਤੋਂ ਰੁੜ ਰਹੀਆਂ ਜਮੀਨਾਂ ਨੂੰ ਰੋਕਿਆ ਜਾਂ ਸਕਦਾ ਹੈ। ਇਸ ਮੌਕੇ ਡਾਕਟਰ ਅਮਰ ਸਿੰਘ ਬੋਪਾ ਰਾਏ ਨੂੰ ਲੋਕਾਂ ਨੇ ਦੱਸਿਆ ਕਿ ਹਰ ਰੋਜ਼ ਸਤਲੁਜ ਦਰਿਆ ਦਾ ਪਾਣੀ ਇਸ ਇਲਾਕੇ ਅੰਦਰ ਤਬਾਹੀ ਮਚਾ ਰਿਹਾ ਹੈ ਲੋਕਾਂ ਦੀਆਂ ਜਮੀਨਾਂ ਦਰਿਆ ਵਿੱਚ ਰੁੜ ਰਹੀਆਂ ਹਨ ਪ੍ਰਸ਼ਾਸਨ ਕੋਈ ਠੋਸ ਪ੍ਰਬੰਧ ਨਹੀਂ ਕਰ ਰਿਹਾ ਜੇਕਰ ਲੋਕਾਂ ਦੀ ਤਬਾਹੀ ਰੋਕਣੀ ਹੈ ਤਾਂ ਦਰਿਆ ਦੇ ਕਿਨਾਰੇ ਤੇ ਜਾਲ ਬਣਾ ਕੇ ਉਸ ਵਿੱਚ ਪੱਥਰ ਪਾਏ ਜਾਣ ਜਦਕਿ ਪ੍ਰਸ਼ਾਸਨ ਲੱਖਾਂ ਬੋਰੀਆਂ ਦਰਿਆ ਵਿੱਚ ਰੋੜ ਚੁੱਕਿਆ ਹੈ ਜਿਸ ਦਾ ਕੋਈ ਲਾਭ ਨਹੀਂ ਹੋ ਰਿਹਾ ਇਸ ਮੌਕੇ ਡਾਕਟਰ ਅਮਰ ਸਿੰਘ ਬੋਪਾ ਰਾਏ ਨੇ ਤੁਰੰਤ ਡੀਸੀ ਲੁਧਿਆਣਾ ਹਿਮਾਂਸ਼ੂ ਜੈਨ ਅਤੇ ਮੌਕੇ ਤੇ ਮੌਜੂਦ ਐਕਸੀਅਨ ਅਤੇ ਐਸਸੀ ਨੂੰ ਕਿਹਾ ਕਿ ਜਿਸ ਤਰਾਂ ਲੋਕ ਆਖ ਰਹੇ ਹਨ ਉਸੇ ਤਰ੍ਹਾਂ ਦੇ ਹੀ ਪ੍ਰਬੰਧ ਕੀਤੇ ਜਾਣ ਅਤੇ ਉਹਨਾਂ ਕਿਹਾ ਕਿ ਉਹ ਕੁਝ ਦਿਨ ਬਾਅਦ ਮੁੜ ਇਸ ਦਰਿਆ ਤੇ ਹੋਣਗੇ ਅਤੇ ਜੇਕਰ ਕਿਸੇ ਵੀ ਰਾਹਤ ਕਾਰਜ ਵਿੱਚ ਕਮੀ ਪਾਈ ਗਈ ਤਾਂ ਜਿਹੜੇ ਅਧਿਕਾਰੀ ਉਸ ਲਈ ਜਿੰਮੇਵਾਰ ਹੋਣਗੇ ਉਹਨਾਂ ਤੇ ਬਣਦੀ ਕਾਰਵਾਈ ਕਰਵਾਈ ਜਾਵੇਗੀ ਇਸ ਮੌਕੇ ਲੋਕਾਂ ਨੇ ਜਦੋਂ ਗੈਰ ਕਾਨੂੰਨੀ ਮਾਈਨਿੰਗ ਦਾ ਮੁੱਦਾ ਚੁੱਕਿਆ ਤਾਂ ਹਲਕਾ ਇੰਚਾਰਜ ਵਿਕਰਮ ਸਿੰਘ ਬਾਜਵਾ ਨੇ ਕਿਹਾ ਕਿ ਹੁਣ ਇਸ ਇਲਾਕੇ ਅੰਦਰ ਕਿਸੇ ਵੀ ਕੀਮਤ ਤੇ ਗੈਰ ਕਾਨੂੰਨੀ ਮਾਈਨਿੰਗ ਨਹੀਂ ਹੋਣ ਦਿੱਤੀ ਜਾਵੇਗੀ ਜੇਕਰ ਸਰਕਾਰ ਜਾਂ ਪ੍ਰਸ਼ਾਸਨ ਨੇ ਗੈਰ ਕਾਨੂੰਨੀ ਮਾਈਨਿੰਗ ਕਰਨ ਵਾਲਿਆਂ ਦੀ ਮਦਦ ਕੀਤੀ ਤਾਂ ਕਾਂਗਰਸ ਪਾਰਟੀ ਡਟ ਕੇ ਲੋਕਾਂ ਨਾਲ ਖੜੇਗੀ ਅਤੇ ਗੈਰ ਕਾਨੂੰਨੀ ਮਾਈਨਿੰਗ ਕਰਨ ਵਾਲਿਆਂ ਤੇ ਬਣਦੀ ਸਖਤ ਕਾਰਵਾਈ ਕਰਵਾਈ ਜਾਵੇਗੀ।