ਸੀ ਟੀ ਯੂਨੀਵਰਸਿਟੀ ਨੇ ਰੂਬਰੂ "3.0 ਦ ਮਾਸਕੇਰੇਡ ਨਾਈਟ” ਨਾਲ ਫ੍ਰੈਸ਼ਰਾਂ ਦਾ ਸਵਾਗਤ ਕੀਤਾ

      ਲੁਧਿਆਣਾ /24 ਅਕਤੂਬਰ:(            )     ਸੀ ਟੀ ਯੂਨੀਵਰਸਿਟੀ ਨੇ ਹਾਲ ਹੀ ਵਿੱਚ “ ਰੂਬਰੂ – ਦ ਫ੍ਰੈਸ਼ਰਜ਼ ਮਾਸਕੇਰੇਡ ਨਾਈਟ” ਦਾ ਸ਼ਾਨਦਾਰ ਆਯੋਜਨ ਕੀਤਾ, ਜਿਸਨੂੰ ਸਟੂਡੈਂਟ ਵੇਲਫੇਅਰ ਡਿਵੀਜ਼ਨ ਵੱਲੋਂ ਨਵੇਂ ਸੀਟੀਅਨਜ਼ ਦਾ ਗਰਮਜੋਸ਼ੀ ਨਾਲ ਸਵਾਗਤ ਕਰਨ ਲਈ ਕਰਵਾਇਆ ਗਿਆ।ਇਹ ਪ੍ਰੋਗਰਾਮ ਰਚਨਾਤਮਕਤਾ, ਟੈਲੰਟ ਅਤੇ ਜਵਾਨੀ ਦੀ ਉਰਜਾ ਦਾ ਸ਼ਾਨਦਾਰ ਤਿਉਹਾਰ ਸੀ, ਜਿਸ ਨੇ ਸਾਰਿਆਂ ਨੂੰ ਯਾਦਗਾਰ ਪਲ ਦਿੱਤੇ।
ਪ੍ਰੋਗਰਾਮ ਦੀ ਸ਼ੁਰੂਆਤ ਇੱਕ ਸ਼ਾਨਦਾਰ ਫੈਸ਼ਨ ਸ਼ੋਅ ਨਾਲ ਹੋਈ, ਜਿਸ ਵਿੱਚ ਫ੍ਰੈਸ਼ਰਜ਼ ਨੇ ਰੈਂਪ ‘ਤੇ ਆਤਮਵਿਸ਼ਵਾਸ ਅਤੇ ਅੰਦਾਜ਼ ਦੇ ਨਾਲ ਕਦਮ ਰੱਖੇ ਅਤੇ ਸ਼ਾਮ ਨੂੰ ਗਲੈਮਰਸ ਬਣਾਇਆ।ਇਸ ਤੋਂ ਬਾਅਦ ਸਾਂਸਕ੍ਰਿਤਿਕ ਨਾਚ, ਭਾਂਗੜਾ ਅਤੇ ਲਾਈਵ ਬੈਂਡ ਪਰਫਾਰਮੈਂਸ ਨੇ ਦਰਸ਼ਕਾਂ ਨੂੰ ਪੂਰੀ ਰਾਤ ਉਤਸ਼ਾਹਿਤ ਅਤੇ ਖੁਸ਼ ਰੱਖਿਆ। ਪ੍ਰੋਗਰਾਮ ਵਿੱਚ ਇੱਕ ਆਕਰਸ਼ਕ ਸਕਿਟ ਨੇ ਵੀ ਦਰਸ਼ਕਾਂ ਨੂੰ ਭਾਵਨਾਤਮਕ ਅਤੇ ਮਨੋਰੰਜਕ ਅਨੁਭਵ ਦਿੱਤਾ।
ਪ੍ਰੋਗਰਾਮ ਵਿੱਚ ਵਾਈਸ ਚਾਂਸਲਰ ਡਾ. ਨਿਤਿਨ ਤੰਡਨ, ਪ੍ਰੋ ਵਾਈਸ ਚਾਂਸਲਰ ਡਾ. ਸਿਮਰਨਜੀਤ ਕੌਰ ਗਿੱਲ ਅਤੇ ਰਜਿਸਟਰਾਰ ਸੰਜਯ ਖੰਡੂਰੀ ਮੌਜੂਦ ਸਨ, ਜਿਨ੍ਹਾਂ ਨੇ ਵਿਦਿਆਰਥੀਆਂ ਦੀ ਉਰਜਾ ਅਤੇ ਟੈਲੰਟ ਦੀ ਪ੍ਰਸ਼ੰਸਾ ਕੀਤੀ।
ਸ਼ਾਮ ਦਾ ਸਮਾਪਨ ਸੰਗੀਤ, ਹਾਸਾ ਅਤੇ ਖੁਸ਼ੀਆਂ ਦੇ ਨਾਲ ਹੋਇਆ, ਜਿਸ ਨੇ ਫ੍ਰੈਸ਼ਰਜ਼ ਦੇ ਸੀ ਟੀ ਯੂਨੀਵਰਸਿਟੀ ਦੇ ਸਫਰ ਦੀ ਸ਼ੁਰੂਆਤ ਯਾਦਗਾਰ ਬਣਾ ਦਿੱਤੀ।