ਰਾਜਪਾਲ ਪੰਜਾਬ ਪ੍ਰਦਾਨ ਕਰਨਗੇ ਲੁਧਿਆਣਾ ਵਿੱਚ ਸਟਾਰਟਅਪ ਸਮਾਗਮ 2026 ਐਵਾਰਡ  

ਲੁਧਿਆਣਾ, 15 ਮਈ, 2026: ਪੰਜਾਬ ਦੇ ਮਾਣਯੋਗ ਰਾਜਪਾਲ, ਸ਼੍ਰੀ ਗੁਲਾਬ ਚੰਦ ਕਟਾਰੀਆ, ਆਉਣ ਵਾਲੇ ਸਟਾਰਟਅਪ ਸਮਾਗਮ ਐਵਾਰਡ 2026 ਦੇ ਮੁੱਖ ਮਹਿਮਾਨ ਹੋਣਗੇ।

ਇਹ ਇੱਕ ਲੀਡਰਜ਼ ਕਾਨਕਲੇਵ ਹੈ ਜੋ ਲੁਧਿਆਣਾ ਦੇ ਪਾਰਕ ਪਲਾਜ਼ਾ ਵਿੱਚ 21 ਮਈ (ਸਵੇਰੇ 10 ਵਜੇ ਤੋਂ) ਨੂੰ ਆਯੋਜਿਤ ਕੀਤਾ ਜਾਵੇਗਾ। ਸਮਾਗਮ, ਲੁਧਿਆਣਾ ਐਂਜਲਜ਼ ਨੈੱਟਵਰਕ ਦਾ ਇੱਕ ਪ੍ਰਮੁੱਖ ਪ੍ਰੋਗਰਾਮ ਹੈ, ਜਿਸ ਨੇ ਸਟਾਰਟਅਪ ਖੇਤਰ ਵਿੱਚ ਸ਼ਾਨਦਾਰ ਯੋਗਦਾਨ ਦਿੱਤਾ ਹੈ ਅਤੇ ਹੁਣ ਇਹ ਪੰਜਾਬ ਦੇ ਸਭ ਤੋਂ ਪ੍ਰਤਿਸ਼ਠਿਤ ਪ੍ਰੋਗਰਾਮਾਂ ਵਿੱਚੋਂ ਇੱਕ ਬਣ ਗਿਆ ਹੈ। ਪਿਚਿੰਗ ਅਤੇ ਚਰਚਾਵਾਂ ਦੇ ਨਾਲ-ਨਾਲ, ਇਸ ਵਿੱਚ 5 ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਇਨਾਮ ਵੀ ਦਿੱਤੇ ਜਾਂਦੇ ਹਨ।

ਸਮਾਗਮ ਦੀ ਸ਼ੁਰੂਆਤ 2023 ਵਿੱਚ ਪੰਜਾਬ ਵਿੱਚ ਇੱਕ ਸੰਗਠਿਤ ਅਤੇ ਸਵਭਾਵਿਕ ਸਟਾਰਟਅਪ ਇਕੋਸਿਸਟਮ ਬਣਾਉਣ ਦੇ ਉਦੇਸ਼ ਨਾਲ ਕੀਤੀ ਗਈ ਸੀ। ਇਸ ਪ੍ਰੋਗਰਾਮ ਵਿੱਚ ਪ੍ਰਮੁੱਖ ਉਦਯੋਗ ਅਤੇ ਸਟਾਰਟਅਪ ਇੱਕ ਹੀ ਛੱਤ ਹੇਠ ਆ ਕੇ ਨਵੀਂ ਸੋਚ ਅਤੇ ਉਦਯਮਤਾ ਦੀ ਭਾਵਨਾ ਦਾ ਜਸ਼ਨ ਮਨਾਉਂਦੇ ਹਨ ਅਤੇ ਇਸ ਤਰ੍ਹਾਂ ਦੇਸ਼ ਦੇ ਲਗਾਤਾਰ ਵਿਕਸਿਤ ਹੋ ਰਹੇ ਉਦਯਮੀ ਦ੍ਰਿਸ਼ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਉਂਦੇ ਹਨ।

ਇਸ ਮੌਕੇ ਤੇ ਬੋਲਦਿਆਂ, ਰਾਲਸਨ ਟਾਇਰਜ਼ ਦੇ ਚੇਅਰਮੈਨ ਸ਼੍ਰੀ ਸੰਜੀਵ ਪਾਹਵਾ ਨੇ ਕਿਹਾ ਕਿ ਲੁਧਿਆਣਾ ਐਂਜਲਜ਼ ਨੈੱਟਵਰਕ ਨਾਲ ਮਿਲ ਕੇ ਉਦਯਮਤਾ ਨੂੰ ਉਤਸ਼ਾਹਿਤ ਕਰਨ ਵਾਲੇ 'ਸਰਵੋਤਮ ਸੰਸਥਾਨ' ਨੂੰ ਇਨਾਮ ਦੇਣ ਵਿੱਚ ਸ਼ਾਮਲ ਹੋਣਾ ਉਨ੍ਹਾਂ ਲਈ ਬਹੁਤ ਹੀ ਖੁਸ਼ੀ ਦੀ ਗੱਲ ਹੈ।

ਅੱਜ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਨ ਵਾਲੇ ਹੋਰ ਮਾਣਯੋਗ ਵਿਅਕਤੀਆਂ ਵਿੱਚ ਜੇਆਰਐਸ ਈਸਟਮੈਨ ਦੇ ਮਾਲਕ ਸ਼੍ਰੀ ਜੇ.ਆਰ. ਸਿੰਘਲ, ਯੂਐਮ ਹੋਲਡਿੰਗਜ਼ ਦੇ ਮਾਲਕ ਸ਼੍ਰੀ ਉਮੇਸ਼ ਮੁੰਜਾਲ ਅਤੇ ਸੈਂਟੇਕਸ ਇੰਟਰਨੈਸ਼ਨਲ ਦੇ ਚੇਅਰਮੈਨ ਵਿਨੀਤ ਸੂਦ ਸ਼ਾਮਲ ਸਨ।

ਸਮਾਗਮ 2026 ਵਿੱਚ ਪੰਜਾਬ ਦੇ ਵਪਾਰ ਜਗਤ ਦੇ ਵੱਡੇ ਨਾਮ ਸ਼ਾਮਲ ਹੋਣਗੇ। ਵੱਖ-ਵੱਖ ਸੰਸਥਾਨ ਅਤੇ ਯੂਨੀਵਰਸਿਟੀਆਂ ਦੇ ਕੁਲਪਤੀ, ਨਿਰਦੇਸ਼ਕ, ਉਦਯੋਗਪਤੀ, ਸਟਾਰਟਅਪ ਸੰਸਥਾਪਕ, ਇਨੋਵੇਟਰ, ਅਧਿਕਾਰੀ ਅਤੇ ਨੀਤੀ ਨਿਰਮਾਤਾ ਆਦਿ ਇਸ ਇਨਾਮ ਸਮਾਰੋਹ ਦੇ ਸਾਖੀ ਬਣਨਗੇ। ਇਸ ਮੌਕੇ 300 ਤੋਂ ਵੱਧ ਲੋਕ ਸਟਾਰਟਅਪ ਇਕੋਸਿਸਟਮ ਨਾਲ ਜੁੜ ਕੇ ਪਿਚਿੰਗ ਸੁਣਨਗੇ ਅਤੇ ਉਦਯਮਤਾ ਦੀ ਭਾਵਨਾ ਦਾ ਜਸ਼ਨ ਮਨਾਉਣਗੇ।

ਸਮਾਗਮ 2026 ਨੂੰ ‘ਸਟਾਰਟਅਪ ਪੰਜਾਬ’ ਵੱਲੋਂ ਪ੍ਰਾਯੋਜਿਤ ਕੀਤਾ ਗਿਆ ਹੈ, ਜਿਸ ਵਿੱਚ ਐਮਬੀਸੀਈ, ਆਈਸੀਆਈਸੀਆਈ ਬੈਂਕ, ਰਾਲਸਨ ਟਾਇਰਜ਼, ਈਸਟਮੈਨ ਇੰਡਸਟਰੀਜ਼, ਰਾਕਮੈਨ ਇੰਡਸਟਰੀਜ਼, ਸੈਂਟੇਕਸ ਇੰਟਰਨੈਸ਼ਨਲ ਅਤੇ ਹਾਈਵੇ ਇੰਡਸਟਰੀਜ਼ ਦਾ ਸਹਿਯੋਗ ਹੈ। “ਇਹ ਲੁਧਿਆਣਾ ਨੂੰ ਉਦਯੋਗਪਤੀਆਂ ਅਤੇ ਮੈਨੂਫੈਕਚਰਿੰਗ ਸਟਾਰਟਅਪਸ ਦਾ ਐਸਾ ਸ਼ਹਿਰ ਬਣਾਉਣ ਦੀ ਲੰਬੀ ਯਾਤਰਾ ਦੀ ਸ਼ੁਰੂਆਤ ਹੈ, ਜਿਸਦਾ ਦੇਸ਼ ਵਿੱਚ ਕੋਈ ਸਾਨੀ ਨਹੀਂ ਹੋਵੇਗਾ,” ਸਮਾਗਮ ਦੇ ਮੁੱਖ ਪ੍ਰੇਰਣਾਸਰੋਤ ਸ਼੍ਰੀ ਐਸ.ਕੇ. ਰਾਏ ਨੇ ਕਿਹਾ।