ਕਵਿਤਾ / ਦੁਆ / ਡਾ. ਲਖਵਿੰਦਰ ਕੌਰ .

Apr 03, 2020

 

ਹਰ ਪਾਸੇ ਫੈਲਿਆ ਵੀਰਾਨ ਹੈ, 

ਸਹਿਮਿਆ ਹਰ ਇੱਕ ਇਨਸਾਨ ਹੈ, 

ਬੰਦ ਹੋਇਆ ਕੈਦ ਵਿਚ ਕੁੰਦਰਾਂ ਦੇ, 

ਇੱਥੇ ਪੰਛੀ ਉੱਡਦਾ ਵਿਚ ਅਸਮਾਨ ਹੈ !

ਲੱਗੀ ਹੈ ਨਜ਼ਰ ਏਸ ਜਹਾਨ ਤਾਈਂ, 

ਕੋਈ ਸੂਲੀ ਚਾੜ੍ਹੇ ਕੋਰੋਨਾ ਸ਼ੈਤਾਨ ਤਾਈਂ,

ਦੇਖ ਕੇ ਹਾਲਤ ਅੱਜ ਇਨਸਾਨ ਦੀ,

ਹੋ ਰਹੀ ਕੁਦਰਤ ਵੀ ਹੈਰਾਨ ਹੈ !

ਐ ਖੁਦਾਯਾ, ਸੁੱਤੀਆਂ ਤਕਦੀਰਾਂ ਜਗਾ ਦੇ,

ਕੁਲ ਆਲਮ ਨੂੰ ਹਰ ਪਾਸੇ ਰੁਸ਼ਨਾ ਦੇ, 

ਮਾੜੀ ਕਿਉਂ ਕੀਤੀ ਹੈ ਏਸ ਲੋਕਾਈ ਨਾਲ, 

ਪ੍ਰਸ਼ਨ ਇਹ ਪੁੱਛਦਾ ਪਿਆ ਇਨਸਾਨ ਹੈ !

ਦੇਖ ਹਾਲਤ ਬੰਦੇ ਦੀ ਤੜਪ ਰਿਹੈ ਅਸਮਾਨ,

ਕਰੋ ਕੋਈ ਦੁਆ, ਹੋ ਜਾਵੇ ਜੋ ਪ੍ਰਵਾਨ,

ਇਹਨਾਂ ਟੂਣੇਹਾਰੀਆਂ ਨਜ਼ਰਾਂ ਉੱਤੇ,

ਨਜ਼ਰ ਖੁਦਾ ਦੀ ਹੀ ਹੋਣੀ ਹੈ ਕੁਰਬਾਨ  !