ਹਰੀਓਮ ਸੇਵਾ ਮੰਡਲ ਵੱਲੋਂ ਸ਼੍ਰੀ ਅਮਰਨਾਥ ਯਾਤਰਾ ਲਈ ਸਮੱਗਰੀ ਰਵਾਨਾ

ਲੁਧਿਆਣਾ, 26 ਜੂਨ: ਹਰਿਓਮ ਸੇਵਾ ਮੰਡਲ (ਰਜਿ.) ਵੱਲੋਂ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਸ਼੍ਰੀ ਅਮਰਨਾਥ ਯਾਤਰਾ ਦੇ ਸ਼ਰਧਾਲੂਆਂ ਲਈ ਯਾਤਰਾ ਮਾਰਗ ਬਾਲਟਾਲ-ਦੁਮੇਲ, ਜੰਮੂ-ਕਸ਼ਮੀਰ ਵਿਖੇ 21ਵਾਂ ਵਿਸ਼ਾਲ ਭੰਡਾਰਾ ਲਗਾਇਆ ਜਾ ਰਿਹਾ ਹੈ। ਇਸ ਸਬੰਧੀ ਹਰਿਓਮ ਸੇਵਾ ਮੰਡਲ ਵੱਲੋਂ ਸਮੱਗਰੀ ਨਾਲ ਭਰੀਆਂ 3 ਟਰੱਕ ਗੱਡੀਆਂ ਝੰਡੀ ਦਿਖਾ ਕੇ ਰਵਾਨਾ ਕੀਤੀਆਂ ਗਈਆਂ। 

ਇਸ ਮੌਕੇ ਚੇਅਰਮੈਨ ਕੇ.ਕੇ. ਗਾਬਾ ਅਤੇ ਪ੍ਰਧਾਨ ਕ੍ਰਿਸ਼ਨ ਲਾਲ ਬਾਂਸਲ ਨੇ ਦੱਸਿਆ ਕਿ ਹਰਿਓਮ ਸੇਵਾ ਮੰਡਲ (ਰਜਿ.) ਨੂੰ ਸ਼੍ਰੀ ਅਮਰਨਾਥ ਯਾਤਰਾ ਸ਼ਰਾਈਨ ਬੋਰਡ ਵੱਲੋਂ ਮਾਨਤਾ ਪ੍ਰਾਪਤ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਭੰਡਾਰੇ ਵਿੱਚ ਯਾਤਰੀਆਂ ਲਈ ਭੋਜਨ, ਨਹਾਉਣ ਦੀ ਵਿਵਸਥਾ, ਸ਼ਾਮ ਵੇਲੇ ਸਨੈਕਸ, ਰਾਤ ਲਈ ਕੇਸਰ ਵਾਲਾ ਦੁੱਧ ਅਤੇ ਚਾਹ-ਕੌਫੀ ਆਦਿ ਦਾ 24 ਘੰਟੇ ਪ੍ਰਬੰਧ ਕੀਤਾ ਜਾਂਦਾ ਹੈ। ਅੱਜ ਬਾਬਾ ਬਰਫਾਨੀ ਲਈ 3 ਗੱਡੀਆਂ ਨੂੰ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ ਗਿਆ।

ਸੰਸਥਾ ਵੱਲੋਂ ਸ਼੍ਰੀ ਅਮਰਨਾਥ ਯਾਤਰੀਆਂ ਲਈ ਲਗਾਏ ਜਾ ਰਹੇ ਲੰਗਰਾਂ ਦੀ ਸ਼ਲਾਘਾ ਕਰਦਿਆਂ, ਹੀਨਾ ਸਿੰਗਲ (E9 ਫਾਊਂਡੇਸ਼ਨ) ਨੇ ਕਿਹਾ ਕਿ ਹਰ ਸਾਲ ਇੰਨੇ ਵੱਡੇ ਪੱਧਰ ’ਤੇ ਆਯੋਜਨ ਕਰਨਾ ਅਤੇ ਯਾਤਰੀਆਂ ਲਈ 24 ਘੰਟੇ ਖਾਣ-ਪੀਣ ਦਾ ਪ੍ਰਬੰਧ ਕਰਨਾ ਬਹੁਤ ਵੱਡੀ ਸੇਵਾ ਹੈ। ਉਨ੍ਹਾਂ ਨੇ ਸ਼ਿਵ ਭਗਤਾਂ ਨੂੰ ਵੱਡੀ ਗਿਣਤੀ ਵਿੱਚ ਇਸ ਉਦੇਸ਼ ਨੂੰ ਆਪਣਾ ਸਮਰਥਨ ਦੇਣ ਦੀ ਅਪੀਲ ਵੀ ਕੀਤੀ।

ਇਸੇ ਤਰ੍ਹਾਂ, ਡਾ. ਰਾਹੁਲ (ਜੇ.ਪੀ.ਸੀ.), ਡਾ. ਓ.ਪੀ. ਸ਼ਰਮਾ, ਮਨੂ ਅਰੋੜਾ ਅਤੇ ਰਮਨ ਜਗਦੰਬਾ ਨੇ ਕਿਹਾ ਕਿ ਹਰ ਸਾਲ ਤੀਰਥ ਯਾਤਰੀਆਂ ਦੀ ਸੇਵਾ ਕਰਕੇ ਹਰਿਓਮ ਸੇਵਾ ਮੰਡਲ ਦੇ ਮੈਂਬਰ ਬਹੁਤ ਵੱਡਾ ਪੁੰਨ ਕਮਾਉਂਦੇ ਹਨ। ਉਨ੍ਹਾਂ ਨੇ ਇਹ ਵੀ ਅਰਦਾਸ ਕੀਤੀ ਕਿ ਭੋਲੇ ਬਾਬਾ ਆਪਣੀ ਕਿਰਪਾ ਅਤੇ ਅਸ਼ੀਰਵਾਦ ਇਨ੍ਹਾਂ ’ਤੇ ਸਦਾ ਬਣਾਈ ਰੱਖਣ।


ਇਸ ਦੌਰਾਨ ਵਾਈਸ ਚੇਅਰਮੈਨ ਭੂਸ਼ਣ ਸਿੰਗਲਾ, ਸੀਨੀਅਰ ਵਾਈਸ ਪ੍ਰਧਾਨ ਬੰਸੀ ਲਾਲ, ਮੀਡੀਆ ਇੰਚਾਰਜ ਗੌਰਵ ਮਹਿੰਦਰੂ, ਸਕੱਤਰ ਪੁਨੀਤ ਮਿੱਤਲ, ਸੰਯੁਕਤ ਸਕੱਤਰ ਦੀਪਕ ਗੋਇਲ, ਸ਼ਿਵ ਸਿੰਗਲਾ, ਮਿੰਟੂ ਸਿੰਗਲਾ, ਕਰਨ ਗਾਬਾ, ਨਰੇਸ਼ ਸਰੀਨ, ਡਾ. ਸੁਨੀਲ ਬਾਂਕਾ, ਰਜਤ ਬਾਂਸਲ, ਸੁਸ਼ਾਂਤ ਬਾਂਸਲ, ਜਿੰਮੀ ਗਾਬਾ, ਅਨਿਲ ਚਾਵਲਾ, ਹੇਮੰਤ ਸਿੰਗਲਾ, ਸੰਕੇਤ ਗੋਇਲ, ਕੇਵਲ ਸ਼ਰਮਾ ਆਦਿ ਵੀ ਹਾਜ਼ਰ ਸਨ।


ਇਸ ਸਾਲ ਦੀ ਪਵਿੱਤਰ ਸ਼੍ਰੀ ਅਮਰਨਾਥ ਯਾਤਰਾ 3 ਜੁਲਾਈ, 2026 ਤੋਂ ਸ਼ੁਰੂ ਹੋ ਕੇ 28 ਅਗਸਤ, 2026 ਤੱਕ ਚੱਲੇਗੀ। 57 ਦਿਨਾਂ ਤੱਕ ਚੱਲਣ ਵਾਲੀ ਇਹ ਯਾਤਰਾ ਬਾਲਟਾਲ-ਸੋਨਮਰਗ ਅਤੇ ਨੁਨਵਾਨ-ਪਹਲਗਾਮ ਦੋਵੇਂ ਮਾਰਗਾਂ ਰਾਹੀਂ ਸੰਚਾਲਿਤ ਕੀਤੀ ਜਾਵੇਗੀ। ਯਾਤਰਾ ਦਾ ਸਮਾਪਨ ਸਾਵਣ ਦੀ ਪੂਰਮਾਸ਼ੀ ਅਤੇ ਰੱਖੜੀ ਦੇ ਦਿਨ ਹੋਵੇਗਾ।