ਕੀ ਧਿਆਵਾਂ? .
ਜਿਸਮ ਧਿਆਵਾਂ ਕੇ ਰੂਹ ਧਿਆਵਾਂ !
ਸੁੱਖ ਧਿਆਵਾਂ ਕੇ ਦੁੱਖ ਧਿਆਵਾਂ!
ਸ਼ਕਲ ਧਿਆਵਾਂ ਕੇ ਅਕਲ ਧਿਆਵਾਂ!
ਵਿਦਵਾਨ ਧਿਆਵਾਂ ਕੇ ਗਿਆਨ ਧਿਆਵਾਂ!
ਔਰਤ ਧਿਆਵਾਂ ਕੇ ਜਰੂਰਤ ਧਿਆਵਾਂ!
ਝਿਜਕ ਧਿਆਵਾਂ ਕੇ ਰਿਜ਼ਕ ਧਿਆਵਾਂ!
ਸਾਹ ਧਿਆਵਾਂ ਕੇ ਸੁਆਹ ਧਿਆਵਾਂ!
ਰਾਮ ਧਿਆਵਾਂ ਕੇ ਇਸਲਾਮ ਧਿਆਵਾਂ!
ਧਰਮ ਧਿਆਵਾਂ ਕੇ ਕਰਮ ਧਿਆਵਾਂ!
ਯਸ਼ ਧਿਆਵਾਂ ਕੇ ਵਿਸ਼ਵਾਸ ਧਿਆਵਾਂ !
ਪਿਆਰ ਧਿਆਵਾਂ ਕੇ ਸਤਿਕਾਰ ਧਿਆਵਾਂ!
ਪੁੱਛੇ ਸ਼ਿਵਮ ਅੱਜ ਇਸ ਗੁੰਝਲਦਾਰ ਸਮਾਜ ਤੋਂ,
ਤੇਰਾ ਧਿਆਵਾਂ ਕੇ ਮੇਰਾ ਧਿਆਵਾਂ?
- ਸ਼ਿਵਮ ਮਹਾਜਨ