ਖਿਡਾਰਨ ਤਮੰਨਾ ਨੇ ਗਤਕੇ ਵਿਚ ਜਿੱਤੇ ਦੋ ਸੋਨ-ਤਗਮੇ.
ਲੁਧਿਆਣਾ, 4 ਸਤੰਬਰ (ਵਾਸੂ ਜੇਤਲੀ) - ਪੰਜਾਬ ਸਕੂਲ ਸਿੱਖਿਆ ਬੋਰਡ ਵੱਲੋਂ ਕਰਵਾਈਆਂ ਜਾ ਰਹੀਆਂ 68 ਵੀਆਂ ਸਲਾਨਾ ਜਿਲ੍ਹਾ ਪੱਧਰੀ ਖੇਡਾਂ ਸਬੰਧੀ , ਵੱਖ-ਵੱਖ ਵਰਗਾਂ ਦੇ ਗਤਕਾ ਦੇ ਮੁਕਾਬਲੇ ਬਾਬਾ ਮੁਕੰਦ ਸੀਨੀਅਰ ਸੈਕੰਡਰੀ ਸਕੂਲ ਡਾਬਾ ਰੋਡ ਵਿਖੇ ਕਰਵਾਏ ਜਾ ਰਹੇ ਸਨ, ਜਿਸ ਵਿੱਚ ਸਰਕਾਰੀ ਹਾਈ ਸਕੂਲ ਕੋਟ ਮੰਗਲ ਸਿੰਘ ਲੁਧਿਆਣਾ ਦੀ ਖਿਡਾਰਨ ਤਮੰਨਾ ਵੱਲੋਂ ਲੁਧਿਆਣਾ ਜ਼ਿਲ੍ਹੇ ਵਿੱਚ ਅੰਡਰ-17 ਵਰਗ ਵਿੱਚ ਦੋ ਸੋਨੇ ਦੇ ਤਮਗੇ ਜਿੱਤ ਕੇ ਸਕੂਲ ਦਾ ਨਾਮ ਰੌਸ਼ਨ ਕੀਤਾ ਹੈ। ਕੋਚ ਧਰਮ ਸਿੰਘ (ਅਧਿਆਪਕ ਸਰੀਰਕ ਸਿੱਖਿਆ) ਦੀ ਸਖਤ ਮਿਹਨਤ ਸਦਕਾ ਉਕਤ ਖਿਡਾਰਨ ਨੇ ਮੁਕਾਬਲੇਬਾਜ਼ੀ ਵਿਚ ਸਾਰੇ ਖਿਡਾਰੀਆਂ ਨੂੰ ਹਰਾਉੰਦਿਆਂ ਸ਼ਾਨਦਾਰ ਜਿੱਤ ਦਰਜ ਕਰਵਾਈ ਹੈ। ਇਸ ਖਿਡਾਰਨ ਦੀ ਜਿੱਤ 'ਤੇ ਮੁੱਖ ਅਧਿਆਪਕ ਕੁਲਦੀਪ ਸਿੰਘ ਨੇ ਖੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਮੁਬਾਰਕਾਂ ਦਿੱਤੀਆਂ ਹਨ ਅਤੇ ਖਿਡਾਰਨ ਦੇ ਉੱਜਲ ਭਵਿੱਖ ਦੀ ਕਾਮਨਾ ਕੀਤੀ ਹੈ।