ਡੀ.ਐਨ.ਕੋਟਨਿਸ ਐਕੂਪੰਕਚਰ ਹਸਪਤਾਲ ਵੱਲੋਂ ਕੌਮੀ ਦੋਸਤੀ ਅਤੇ ਮਨੁੱਖਤਾ ਦੀ ਸੇਵਾ ਨੂੰ ਸਮਰਪਿਤ ਦੋ-ਰੋਜ਼ਾ ਮੁਫ਼ਤ ਐਕੂਪੰਕਚਰ ਚੈਕਅੱਪ ਕੈਂਪ 20-21 ਨੂੰ .
ਲੁਧਿਆਣਾ, 17 ਸਤੰਬਰ (ਤਮੰਨਾ) - ਮਾਨਵਤਾ ਦੀ ਸੇਵਾ ਲਈ ਸਾਲ 1938 ਵਿੱਚ ਭਾਰਤ ਤੋਂ ਚੀਨ ਗਏ ਭਾਰਤੀ ਡਾਕਟਰਾਂ ਦੇ ਭਾਰਤੀ ਮੈਡੀਕਲ ਮਿਸ਼ਨ ਦੀ 86ਵੀਂ ਵਰ੍ਹੇਗੰਢ ਮੌਕੇ ਅੰਤਰਰਾਸ਼ਟਰੀ ਦੋਸਤੀ ਅਤੇ ਮਨੁੱਖਤਾ ਦੀ ਸੇਵਾ ਨੂੰ ਸਮਰਪਿਤ ਦੋ ਰੋਜ਼ਾ ਮੁਫ਼ਤ ਐਕੂਪੰਕਚਰ ਚੈਕਅੱਪ ਕੈਂਪ 20-21 ਸਤੰਬਰ ਨੂੰ ਡੀ.ਐਨ.ਕੋਟਨਿਸ ਐਕੂਪੰਕਚਰ ਹਸਪਤਾਲ ਸਲੇਮ ਟਾਬਰੀ ਵਿਖੇ ਲਗਾਇਆ ਜਾਵੇਗਾ। ਹਸਪਤਾਲ ਪ੍ਰਬੰਧਕਾਂ ਦੀ ਮੀਟਿੰਗ ਦੌਰਾਨ ਐਡਵੋਕੇਟ ਕੇ.ਆਰ.ਸੀਕਰੀ, ਡਾ: ਇੰਦਰਜੀਤ ਸਿੰਘ ਢੀਂਗਰਾ ਅਤੇ ਜਗਦੀਸ਼ ਸਿਡਾਨਾ ਨੇ ਦੱਸਿਆ ਕਿ ਇਸ ਕੈਂਪ ਦੌਰਾਨ ਬਿਨਾਂ ਕਿਸੇ ਦਵਾਈ ਦੇ ਅਤੇ ਬਿਨਾਂ ਸਰਜਰੀ ਕਮਰ ਦਰਦ, ਡਿਸਕ, ਅਧਰੰਗ, ਅੰਸ਼ਕ ਤੌਰ 'ਤੇ ਨਜ਼ਰ ਦਾ ਨੁਕਸਾਨ, ਦਮਾ, ਮਾਈਗਰੇਨ, ਸਰਵਾਈਕਲ ਅਤੇ ਗੰਭੀਰ ਪੁਰਾਣੀਆਂ ਬਿਮਾਰੀਆਂ ਦਾ ਇਲਾਜ ਦੇਸ਼ ਦੇ ਪ੍ਰਸਿੱਧ ਐਕਯੂਪੰਕਚਰਿਸਟ ਡਾਕਟਰਾਂ ਡਾ: ਪਰਸ਼ੋਤਮ ਲੋਹੀਆ (ਮੁੰਬਈ), ਡਾ: ਰਵੀ ਸ਼ੰਕਰ (ਮੈਸੂਰ), ਡਾ: ਅਨੀਸ਼ ਗੁਪਤਾ (ਰਾਜਸਥਾਨ), ਡਾ. ਚੰਚਲ ਅਗਰਵਾਲ (ਪੱਛਮੀ ਬੰਗਾਲ), ਡਾ: ਚੇਤਨਾ ਚੋਪੜਾ (ਨਵੀਂ ਦਿੱਲੀ) ਤੋਂ ਇਲਾਵਾ ਡਾ: ਇੰਦਰਜੀਤ ਸਿੰਘ, ਡਾ: ਨੇਹਾ ਢੀਂਗਰਾ, ਡਾ: ਰਘੁਬੀਰ ਸਿੰਘ ਕਰਨਗੇ। ਇਸ ਮੌਕੇ ਡਾ: ਇੰਦਰਜੀਤ ਸਿੰਘ ਅਤੇ ਡਾ: ਸੰਦੀਪ ਚੋਪੜਾ ਨੇ ਦੱਸਿਆ ਕਿ 21 ਸਤੰਬਰ ਨੂੰ ਸਵੇਰੇ 10 ਵਜੇ ਵਿਧਾਇਕ ਚੌਧਰੀ ਮਦਨ ਲਾਲ ਬੱਗਾ ਦੀ ਅਗਵਾਈ 'ਚ ਹਸਪਤਾਲ ਦੇ ਵਿਹੜੇ 'ਚ ਇਕ ਵਿਸ਼ੇਸ਼ ਸਮਾਗਮ ਕਰਵਾਇਆ ਜਾਵੇਗਾ, ਜਿਸ 'ਚ ਚੀਨੀ ਦੂਤਾਵਾਸ ਤੋਂ ਮਿਨਿਸਟਰ ਵਾਂਗ ਸ਼ਿੰਗ ਮਿੰਗ ਅਤੇ ਉਨ੍ਹਾਂ ਦੇ ਸਹਿਯੋਗੀ ਦੂਤਾਵਾਸ ਤੋਂ ਪੁੱਜਣਗੇ। ਇਸ ਮੌਕੇ ਮਾਨਵਤਾ ਦੀ ਸੇਵਾ ਨੂੰ ਸਮਰਪਿਤ ਡਾ: ਦਵਾਰਕਾ ਨਾਥ ਕੋਟਨਿਸ ਦੀ ਯਾਦ ਵਿੱਚ ਹਸਪਤਾਲ ਨੂੰ ਇੱਕ ਐਂਬੂਲੈਂਸ ਵੀ ਦਾਨ ਕੀਤੀ ਜਾਵੇਗੀ, ਤਾਂ ਜੋ ਪੰਜਾਬ ਭਰ ਵਿੱਚ ਹਰ ਮਹੀਨੇ ਅਜਿਹੇ ਕੈਂਪ ਲਗਾਏ ਜਾ ਸਕਣ। ਇਸ ਮੌਕੇ ਵਿਧਾਇਕ ਮਦਨ ਲਾਲ ਬੱਗਾ ਤੋਂ ਇਲਾਵਾ ਵਿਧਾਇਕ ਦਲਜੀਤ ਸਿੰਘ ਗਰੇਵਾਲ ਭੋਲਾ, ਅਸ਼ੋਕ ਪਰਾਸ਼ਰ ਪੱਪੀ, ਰਜਿੰਦਰ ਪਾਲ ਕੌਰ ਛੀਨਾ ਵੀ ਭਾਰਤੀ ਮੈਡੀਕਲ ਮਿਸ਼ਨ ਦੇ ਮਹਾਨ ਡਾਕਟਰ ਦਵਾਰਕਾ ਨਾਥ ਕੋਟਨਿਸ ਨੂੰ ਸ਼ਰਧਾਂਜਲੀ ਭੇਟ ਕਰਨਗੇ। ਇਸ ਮੌਕੇ ਇਕਬਾਲ ਸਿੰਘ ਗਿੱਲ ਸਾਬਕਾ ਆਈ.ਪੀ.ਐਸ., ਸ੍ਰੀ ਵਰਮਾ, ਆਨੰਦ ਤਾਇਲ, ਸੁਨੀਲ ਸ਼ਰਮਾ, ਸ਼ਰਦ ਅਗਰਵਾਲ, ਜਸਵੰਤ ਸਿੰਘ ਛਾਪਾ, ਡਾ: ਰਘਬੀਰ ਸਿੰਘ, ਰੇਸ਼ਮ ਨੱਤ, ਬਲਬੀਰ ਚੰਦ, ਉਪੇਂਦਰ, ਗਗਨਦੀਪ ਭਾਟੀਆ, ਭੁਪਿੰਦਰ, ਮਨੀਸ਼ਾ, ਸੁਖਦੇਵ ਸਲੇਮਪੁਰੀ ਆਦਿ ਅਹੁਦੇਦਾਰ ਮੌਜੂਦ ਸਨ |